CHAPTER 51 - TRIAD

"Leticia!" Halos na maos na ang boses ni Crystal sa kakasigaw ng pangalan nito sa labas ng pintuan. Kung ano-ano na ang tinatalak nito sa labas. Sarap lagyan ng Duct tape ang bunganga.

Hinawakan ni Ciara ang wheelchair ng matanda at tinulak ito palabas. Naririndi na siya sa boses ng babae. “Chairman Leticia, pasensya na po, gusto ko man kayong manatili rito para sa anak niyo ngunit nakakabulahaw na ang bunganga ng hilaw mong manugang.” Binuksan niya ang pintuan kahit pa ayaw ni Leticia.

"Crystal, baka nakalimutan mo na isa kang modelo. Ano na lang ang sasabihin ng mga tagahanga mo kapag nakita nila na daig mo pa ang nasa palengke kung sumigaw!" Diniinan niya ang huling sinabi.

Sa halip na sagutin siya, tinapunan lang siya ng matalim na tingin nito at muling tinuon ang atensyon kay Leticia. Halata ang galit sa mukha nito.

"Kunin nyo ang matandang 'yan at dalhin sa kotse!" Utos nito sa mga tauhan.

Nagulat siya ng biglang kumapit ng mahigpit ang mga kamay ni Leticia sa laylayan ng besti