8.

Bawat katulong ay may kanya-kanyang gawain—ang ilan ay abala sa kusina, ang iba'y sa laundry, paglilinis, plantsa, at iba pang gawaing bahay sa loob ng engrandeng Palasyo ng Vellamonte. Ramdam sa paligid ang sistematikong kilos at ingay ng mga kasambahay na nag-aalangan pa sa kani-kanilang gagawin.

Ngunit sa pagkakataong ito, tanging tatlong katulong na lamang ang natira sa silid—kasama na roon si Roxane, si Lyka na halatang kabado, at si Maxine na kapitbahay rin nila Roxane. Ang katahimikan ay tila bumigat sa ere, parang bawat tibok ng puso nila'y umaalingawngaw sa kwartong iyon.

“Sa inyong tatlo,” panimula ng isa sa mga matandang katiwala, seryoso ang tono, “pipili ang mga boss—ang mga Madam at Sir natin—kung sino sa inyo ang magiging personal maid nila. Kailangan kasa-kasama kayo sa lahat ng lakad nila. Hindi ito pakiusap—isa itong trabahong dapat ninyong sundin at paghandaan.”

Nagkatinginan ang tatlo. Ramdam ang tensyon sa kanilang pagitan. Si Maxine ay napalunok ng laway, si Lyka