"Eiiiiihhhhhh!" mahabang tili ni Cristine nang makita nito ang picture nina Andy at Yolly sa cellphone ni Yolly. "Ang suwerte mo naman, Insan. Sana pala nagpa-late rin ako nang uwi kanina. Sana sa 'kin nakisabay si Andy my crush. Sana pala sinamahan kita sa library."
Natatawa na lang si Yolly sa kanyang pinsan. Parang maloloka na yata. Panay ang halik kasi nito sa screen ng kanyang cellphone. Hinahalikan nito ang guwapong larawan ng binata nang paulit-ulit.
Dumiretso siya sa bahay nina Cristine para ipakita lang 'yon, kahit umuulan, dahil alam niyang laglag panga ito sa inggit. At tama nga siya.
Tuwang-tuwa siya dahil gumana ang balak niya na inggitin si Cristine. Hindi nasayang ang inilabas niyang kakapalan ng mukha kanina. Ang totoo kasi ay naglakas-loob lang siya kanina na makipag-selfie kay Andy. Ginawa niya iyon para lang may ipagmayabang siya sa pinsan.
"Unli F******k ka, Insan?"
Tumango siya. Kung si Cristine busy sa larawan ni Andy, siya naman ay busy sa paglamon ng miryendang inilabas ng nanay ni Cristine para sa kanya.
"Pa-online, ha?"
Tumango lang ulit siya. Nag-register siya ng unlimited surfing kahapon pa pero hindi naman siya mahilig sa social media. Pasilip-silip lang siya sa mga post ng mga taong friends niya 'kuno' roon dahil sa totoong buhay ay wala naman talaga siyang kaibigan maliban kay Cristine na pinsan niya.
At mas naging busy pa si Cristine sa cellphone niya. Hinayaan lang niya ito. Basta siya busog.
"Ayan," mayamaya ay sambit ng kanyang pinsan.
"Anong ginawa mo?"
"Pinost ko 'yung picture niyo ni Andy. Tingnan mo may nag-like agad at nag-share. Tinag kita at tinag ko rin si Andy."
Ang lakas ng "Ano?!" ni Yolly sabay agaw sa cellphone niya. At nang tingnan niya ay napangiwi siya.
Paktay! Naka-post na nga talaga 'yung picture nila ni Andy sa timeline ni Cristine tapos may caption pang, ANG PANGIT AT ANG GUWAPO! BAGAY SILA, 'DI BA?
Masaklap pa ay log out na rin. Ni-log-out na ni Cristine kaya hindi na niya ma-delete.
"Sira-ulo ka talaga," inis niyang singhal sa pinsan. "Burahin mo 'to, Insan!"
"Ayoko nga. Ang cute niyo kayang tingnan," tatawa-tawang sabi ni Cristine sabay tayo at takbo para magtago.
"Cristineee!!!" malakas na malakas na sigaw ni Yolly sa pasaway na pinsan.
SA KABILANG BANDA.
"Buti dumating ka na." Agad na iniabot ni Yaya Chadeng ang isang tuwalya kay Andy na kakauwi lang. Si Yaya Chadeng ay matagal nang taga-alaga ni Andy. Bata pa lang si Andy ay yaya na niya ang matanda.
"Ang lakas po kasi ng ulan, 'Ya," ani Andy. Pinunas-punas niya ang tuwalya sa ulo.
"Oo nga, eh. Nag-alala ako sa 'yo. Hindi ka man lang nag-text o tumawag."
"Na-lowbat po ang cellphone ko," aniya. Akmang papasok na siya ng bahay pero humarang sa kanyang dadaanan ang matanda.
"Bakit po?"
Inilagay ni Yaya Chadeng ang hintuturo sa sariling bibig at lumingon sa loob ng bahay tapos tumingin ulit sa kanya at pabulong na may sinabi. "Kasi si Cindy nasa loob at kanina ka pa hinihintay."
Agad na nakusot ang kanyang mukha.
Si Cindy ay anak ng amiga ng kanyang mommy na isa sa mga patay na patay sa kanya na babae, at tulad ng iba ay hindi niya rin type.
Maganda naman si Cindy pero kasi ay ayaw na ayaw niya ang ugali nitong palaging pumupunta sa kanilang bahay upang magpa-cute. Turn off sa kanya ang ganoon. Nakakawalang gana.
"Gano'n po ba. Sa likod na lang ako dadaan kung ganoon, 'Ya."
"Hindi mo na naman haharapin? Kawawa naman. Kanina pa siya rito."
"Kayo na ulit bahala, 'Ya. Sabihin mo next year pa ako uuwi." At tumalilis na siya papuntang likod ng bahay.
Kamot-ulo na lang si Yaya Chadeng na pinanood ang alaka bago nagbubuntong-hininga na pumasok ng bahay. Walang magawa kundi dating gawi nga ulit ito.
OPERATION: pauwiin si Cindy.
Napabuntong-hininga muli ang matanda. Naawa ito sa dalaga na laging umaasa na pansinin ng alaga nito. Sabagay hindi naman masisisi ni Yaya Chadeng si Andy. Kahit naman kasi ito ay ayaw nito na babae na ang halos manligaw sa lalaki. Ang ipinagpapasalamat na lang ni Yaya Chadeng ay si Andy na ang umiiwas. Hindi pumapatol basta-basta ang alaga nito sa mga babaeng flirt kaya naman bilib din ito sa alaga dahil kung iba lang siguro ay baka hindi na mabilang sa kamay ang nabuntis na ng batang iyon.
Si Andy ay nakapasok naman na sa likod ng bahay. Parang magnanakaw nga lang siya sa sarili nilang bahay na ingat na ingat sa kilos. Dahan-dahan siya na nagtatakbo. Anong hinga niya nang maluwag nang ligtas siyang makapasok sa sarili niyang silid.
Thank God, hindi siya napansin ni Cindy.
Ini-lock niya agad ang pinto ng kanyang silid tapos ay charger agad ng cellphone niya ang hinalungkat niya sa drawer. Ichinarge niya ang low batt na cellphone niya at kampante nang naligo.
Bahala na si Yaya Chadeng niya kay Cindy. Hindi siya nakukonsensiya dahil hindi naman niya sinabing dalawin siya ng dalaga. Bahala ito sa buhay nito. Nagsasawa na siyang harapin o pakisamahan. Lagi na lang, eh.
Nang matapos maligo ay tsinek na niya ang cellphone niya. Ang dami na namang message and as usual galing sa mga nagpapansing mga babae.
Napailing siya't napahimas sa batok. Kailan ba sila mapapagod? Tsk.
ANDY, INGAT SA PAG-UWI. MALAKAS ANG ULAN. Ang text ni Sarah, schoolmate niya.
ANDY, NAKAUWI KA NA BA? Text naman ni Karen. Ang ex-girlfriend niya na panay pa rin ang pagpapa-cute.
At marami pang iba.
Isa lang ang umagaw sa pansin niya at iyon ay ang text ni Patrick. DUDE, ANG GANDA NG CHICKS MO NGAYON, AH? HA-HA!
Doon siya agad nag-reply. WHAT THE HELL ARE YOU TALKING ABOUT?
CHECK YOUR F******K, DUDE. Simpleng reply sa kanya ng kabarkada.
Lalo siyang napakunot-noo. Sinunod niya agad ang reply ni Patrick. He went online and checked what was new on F******k. At anong sama ng kanyang mukha nang makita niya ang isang larawan na naka-tag sa kanya. Nag-isang linya talaga ang mga kilay niya. May marami na kasing likes, comments, and shares ang naka-post na larawan. Pinagpyestahan na agad ng mga classmates nila at mga schoolmates nila ang larawan.
"Patay ka sa 'kin bukas, Yolly!" saglit ay inis niyang duro sa dalagang pangit na kasama niya sa larawang iyon.
Ang larawan kasi na trending na ay ang selfie nila kanina ni Yolly.
Yukung-yuko ang ulo ni Yolly na dumaan sa mga nagtatawanan na kapwa niya estudyante. Kipkip niya sa dibdib nang mahigpit ang kanyang mga libro na tila sandalan niya ngayon ng lakas para makalampas siya sa mga estudyanteng nagmumura, nagtatawanan at nambabato sa kanya ng kung anu-ano."Ano bang kasalanan ko sa inyo?" mangiyak-ngiyak niyang malakas na tanong. Nagulat na lang kasi siya pagpasok niya na ganoon na ang trato sa kanya ng mga schoolmates niya. Galit na galit sila sa kanya, at hindi niya alam kung bakit.Malakas na "Boooo!!" ang isinagot sa kanya ng marami. Mga lalong nagtawanan."Ang kapal mo!" dinig niyang sigaw sa kanya ng isang bakla."Selfie pa more, pangit!" kantyaw rin ng isang lalaki na maangas."Ambisyosang monkey ka, girl!" panliliit naman ng isang babae sa kanya.Tuluyan nang lumuha si Yolly. Sanay na siya na nilalait dahil aminado naman siya na siya ang kakaiba sa school nila gawa ng naiibang istilo niya sa pananamit at pag-aayos sa sarili. Pero sobra sila ngayon k
Pagpasok ni Yolly sa silid-aralan nila ay upuan agad ni Andy ang tiningnan niya, at syempre bakante pa rin iyon dahil maaga pa.Ang aga niyang pumasok dahil ayaw niyang pumasok na naman na maraming estudyante. Siguradong ibu-bully na naman kasi siya. Umiiwas siya sa gulo.Napapabuntong-hininga siya nang umupo siya sa kanyang upuan pagkuwa'y napalingon na naman sa upuan ni Andy. Pangatlong araw na na absent ang binata kung hindi na naman papasok ito ngayon. At guilting-guilty na siya.Hindi kaya totoo na ikinahihiya ni Andy ang picture nila kaya hindi ito pumapasok?Nakakakunsenya naman. Kasalanan niya talaga ang nangyayari. Sana pala ay hindi na lang niya hiniling na mag-selfie silang dalawa noong araw na 'yon. Wala sanang problema na ganito. Sana hindi mag-a-absent si Andy. Tuloy ay napapabayaan na ni Andy ang pag-aaral dahil sa kahihiyan, dahil sa kagagahan niya.“Hindi ka kasi nag-iisip, Yolly. Kainis ka talaga,” paninisi niya pa sa kanyang sarili. Natampal-tampal niya ang kanyang
Kung gaano pahiyain si Yolly ng ilang araw ng mga kapwa niya estudyante ay kabaliktaran naman ngayon dahil parang iniidolo na siya ng mga ito.Sa simpleng pagpapasalamat sa kanya ni Andy kahapon na kumalat sa buong campus ay napakabilis na kinalimutan ng mga estudyante ang tungkol sa kanilang selfie at hinahayaan na siya ng mga ito.Ganoon kalakas ang hatak ni Andy sa mga estudyante. Iba talaga ang karisma ng binata. Parang siya ang sinusunod ng bawat isang estudyante ng Sanchi College. Talo pa artista."Hi, Yolly," bati sa kanya ng magbabarkdang nakatambay sa dinaanan niya."Good morning, Yolly," bati rin sa kanya ng isa pa na nakasalubong niya.Kiming napapangiti na lang siya sa mga ito. Hindi siya sanay na napapansin kaya napapayuko pa rin siya ng ulo at nahihiya."Sikat ka yata ngayon?" Mayamaya ay bahagya siyang nagulat nang may nagsalita sa likod niya, at nang lingunin niya ay ang mabait pa lang security guard na si Leandro."Hindi naman po," aniya sa laging tagapagtanggol niyan
"Talaga bang kailangan kong gawin 'yon? Hindi ba puwedeng simpleng thank you na lang?" Nakabusangot ang mukha ni Yolly. Hindi niya talaga kaya kasi na yayain na kumain sa labas si Andy bilang pasasalamat sa ginawa nitong pagtatanggol sa kanya. "Ano ka ba? Hindi ka na nahiya kung ganoon lang ang gagawin mo? Syempre hindi basta-basta 'yung pagtatanggol niya sa 'yo kaya dapat hindi rin basta-basta sana ang pagpapasalamat mo sa kanya," giit ni Cristine sa idea nito. Napaisip naman si Yolly. Sabagay tama talaga ang pinsan niya. Nga lang ay ngayon pa lang ay nahihiya na talaga siya sa binata. Take note, hindi 'yun basta-basta binata lang. Heartthrob 'yun rito sa school kaya parang ang kapal naman ng panget niyang mukha kung yayayain niya itong kumain. Katatapos lang ng kanyang issue. Gagawa na naman ba siya ng panibago na kanyang ikaka-bully? "Humanda ka na. Dadaan na sila. Patapos na ang miryenda nila," excited na sabi sa kanya ni Cristine habang nakatingin sa pambisig nitong relo. "C
"Hop in."Umiling si Yolly. Ayaw niyang sumakay sa motor ni Andy."Bakit?"Napangiwi siya at tiningnan niya ang palda niyang suot. Iyon ang dahilan kaya hindi siya puwedeng sumakay sa motor. Isa pa ay takot siya na baka mahulog siya. Ngayon lang kasi siya makakasakay ng single na motor kung sakali.Napakamot-ulo si Andy. "That's okay. Pa-side ka na lang umupo.""Ayoko," giit niyang nahihiya."Sige na.""Ayaw ko talaga. Mag-taxi na lang ako ta's sunod ka. Saan mo ba gusto kumain?""Are you sure?""Oo at baka kasi may makakita sa 'tin. Ayoko nang matsismis ulit."Napalabi si Andy. "Sabagay," pagkuwa'y anito.Nag-abang na nga ng taxi si Yolly. Sakto ang kinatatayuan niya, may mga taxi roon na dumadaan para sa mga sosyaling mga estudyante."Saan ba tayo?" at tanong niya kay Andy nang makapara siya. Hawak na niya ang bukasan ng pinto ng taxi.Nakatingin lang sa kanya ang binata. Nakahawak sa baba nito. Nag-iisip siguro."Anong sasabihin ko sa driver na pupuntahan natin?" ulit niyang tanong
"Dito ba talaga ang bahay niyo?" naninigurong tanong ni Andy habang akay-akay si Yolly.Susuray-suray ang dalawa na bumaba sa taxi na kanilang sinakyan."Oo. Dito na nga pero gusto ko pang uminom. Balik tayo ro'n," mapupungay ang mga matang sagot ni Yolly. Kanina pa niyon ikinukulit. Kanina nga'y ayaw nitong umalis ng disco bar. Ayaw magpauwi. Hirap na hirap si Andy na hinila ito."You're already wasted. Next time na lang ulit," mahaba ang pasensya na sabi ni Andy kasabay nang pagkatok niya sa gate ng bahay nina Yolly."Ayoko pang umuwi. Inom pa tayo. Ang sarap n'on, eh. Parang juice.” At nagtatawa ang dalaga.Natawa na rin si Andy. Kasalanan niya 'to. Lagot!"Oops!" Nang muntik nang matumba si Yolly ay buti na lang nasalo niya ito. "Aisst, ang likot mo kasi, eh. "Nagtatawa ulit si Yolly."Tingnan mo hindi mo na nga kaya," sermon niya rito."Hi-hi, kaya ko pa. Tara na balik tayo ro'n." Hinila siya nito."Huwag na nga. Ang kulit mo," angal niya pero natatawa na ulit siya. Ang lakas na
"Parang gusto ko pang matulog." Naghikab at nag-inat ng kamay niya si Yolly."Wow, ikaw na ang bida. Sinabayan mo na ngang matulog si Andy sa klase tapos sasabihin mo pang gusto mo pang matulog? Tindi mo, ah. Kakahiya ka na talaga." Kulang na lang ay batukan na naman siya ni Cristine."Hindi ko naman sinasadya na makatulog ako. Pero bakit kasi hindi niyo ako ginising? Lalo na ikaw?" Sumimangot siya at napangalumbaba ng dalawang kamay. Naroon sila sa canteen ng pinsan para kumain ng tanghalian at kanina ay nagulat na lang siya nang gisingin siya nito dahil tapos na ang subject nila."Nakakahiya naman kasi sa inyo ni Andy, ano? Baka puyat kayo," pasarkastikong sabi ni Cristine.Napalabi lang siya sa pinsan."Pero bakit ba kasi parang antok na antok kayong dalawa, ah? Umamin ka nga sa 'kin. Anong ginawa niyo?"Umaliwalas ang mukha niya. Naalala niya ang masaya nilang inuman ni Andy kagabi. Ngunit gustuhin man niyang ikuwento kay Cristine iyon, ay huwag na lang. Wala siyang tiwala sa pin
Ang sarap ng gising ni Yolly. Nakatulog kasi siya nang maayos kaya wala na ang masakit sa kanyang ulo. Wala na ang hangover niya. Idagdag pa na Sabado ngayon, ibig sabihin ay wala siyang pasok. Pero hindi pa siya bumangon. Mas niyakap pa nga niya ang kanyang bolster pillow. Mas pinili niyang munang namnamin ang ganda ng umaga.Ngingiti-ngiti siyang kukurap-kurap. Sana ang buhay ay laging ganito. Napaka-peaceful. Walang iniisip na problema, mapabahay man o mapa-school."'Nak, bumangon ka na r’yan. Mag-almusal ka na nang ako'y maglilinis na rito sa kuwarto mo."Tapos ay may nanay pa siyang sobrang bait at sipag. Saan pa siya?"Mamaya na, 'Nay. Wala namang pasok, eh," nakangiti pero nakapikit niyang sagot."Ay, bahala ka nga r'yan kung maalikabukan ka."Hindi na siya nagkomento. Dumapa siya nang higa. This is her life on Saturdays. Thank God it's Saturday."Ano ba 'tong mga papel dito? Itatapon na ba ang mga ito?"Hindi na niya talaga pinansin ang nanay niya. Ganito naman talaga ang nana