CHAP 18

It's been two days. Dalawang araw ko nang iniiwasan na magpanagpo ang landas naming dalawa ni Jairon. Palagi akong nakikiramdam sa condo unit niya sa tuwing lalabas ako para hindi kami magkita.

"Napa'no ka? You look stressed," puna sa 'kin ni Noella.

Nandito siya sa opisina ko dahil pinagpaplanuhan namin nang maayos ang pag-atake na magaganap sa susunod na mga araw.

I took a deep breath and leaned on my seat. Hinilot ko ang aking sintido at marahan na napailing.

"Works," tipid kong tugon.

Work? Trabaho bang problemahin si Jai?

"You should take a rest. Hindi na maganda itsura mo. Daig mo pa ang hindi nakatulog ng ilang araw," nakangiwing saad niya.

Hindi naman talaga ako nakatulog.

"Yeah, kailangan ko muna nga siguro magpahinga." Pagsang-ayon ko sa kanya.

"Alis na 'ko. Iiwanan ko itong kopya ng blueprint sa 'yo para mapag-aralan mo kung saan mo ipupwesto ang mga bomba," aniya.

Tipid naman akong tumango bilang tugon at hindi na umimik pa. Kinuha ko ang cellphone ko nang nakalabas si Noe