CHAPTER 11: Messed

RAMDAM ni Lily ang malalaking hakbang ni Victor na nakasunod sa kanya sa hagdan. Tila hinihila ang kanyang paa hanggang sa maisara niya ang pintuan ng kanyang silid. Ini-lock niya iyon kahit pa nga alam niya na wala rin iyong silbi. Hindi niya alam ang gagawin. Sigurado na may ginawa ito kay Orion kaya ito nakahandusay sa sahig.

Binuksan niya ang sliding door na nasa terasa, ngunit hindi magandang ideya na doon siya lumabas pwera na lang kung nais niyang mamatay. May kataasan ang ikalawang palapag ng bahay ni Drew dahil mataas ang ceiling ng ground floor nito.

Malalaking hampas mula sa pintuan ang nagpapiksi sa kanya. “Lily! Sinabihan mo ba ang asawa mo na paghigantihan ang restaurant ko? This is all your fault! You, little whore!”

‘No!’

Ilang saglit pa ay dumadagundong ang makapal na kahoy ng pintuan ng kanyang silid.

“Lily!” sigaw ni Victor mula sa labas. Nahihimigan niya ang sobrang galit sa tinig nito. Pinipilit nitong sirain ang kanyang pinto. Kailangan niyang gum