CHAPTER 15: Playground

HABANG sakay ng kotse si Drew ay napaisip siya sa mga plano niyang gawin. Posible na makasira o makatulong sa kanya ang paglapit niya kay Jenny. Hindi niya sigurado kung ano ang mararamdaman ng asawa niyang si Lily at ayaw niyang magkaroon ng problema. Hangga’t maaari gusto niya na malinis ang relasyon niya rito sa loob ng isang taon na kasunduan nila.

Habang nasa biyahe ay naisip niyang tawagan na lang si Finn para makahingi ng payo.

“Hello!” sagot ng kaibigan niya sa kabilang linya.

Hindi na siya nagpaligoy-ligoy pa. “Are you busy?”

“Nasa opisina pa ako. May problema?”

"I just needed some advice. I met Jenny; she was one of the women I hired before and I met her tonight.”

Nang manahimik si Finn, alam ni Drew ang iniisip nito. Dahil kakilala siya ng kanyang kaibigan, hindi rin niya ito masisisi kung mayroon man itong alinlangan sa kanya.

Sumulyap nang bahagya si Drew kay Mark, na tila nagkukunwaring hindi naririnig ang lahat, at saka nagpaliwanag, "We met by chance be