Kabanata 16

Hinalukipkip ni Sabrina ang kanyang mga braso sa harap ng kanyang dibdib at sinabi sa mapagmataas na tono, “Oo, kinamumuhian kita, ano naman? Hindi mo ba kayang tanggapin ang pagpuna ko, talunan?”

“Alam ng lahat ng tao sa kolehiyo na pinakasalan mo si Claire at naging manugang ka na nakatira sa kanilang bahay pagkatapos makatapos! Isang miserableng talunan na hindi makabili ng maayos na pagkain sa kolehiyo at naging laruang lalaki pagkatapos makatapos! Paano ka naglakas-loob na humingi ng tulong sa akin kung isa kang malaking talunan? Sino ka ba sa tingin mo?”

Galit ang unti-unting nagliliyab sa loob ni Charlie.

Ang isang tao ay hindi aatake maliban kung siya ang unang inatake. Sumosobra na si Sabrina!

Sa sandaling ito, nakatanggap siya ng mensahe sa selpon mula kay Stephen. “Young Master, ang Shangri-La Hotels and Resorts ay pagmamay-ari ng pamilya Wade. Ang Shangri-La ng Aurous Hill ay isa lamang sa maraming nating Shangri-La sa buong mundo.”

Ang mga mata ni Charlie ay lumiit sa gulat!

Sinabi ba niya na pagmamay-ari ng pamilya Wade ang mga Shangri-La?

Hindi niyang sinasadyang sumagot, “Hindi ka nagbibiro, tama?”

“Syempre hindi. Ang taong namumuno sa Shangri-La ng Aurous Hill ay si Isaac Cameron, ang kanyang numero ay 155… , pakitawagan siya at siya na ang bahala sa lahat.”

“Sige.”

Nabalisa nang kaunti si Sabrina sa ugali ni Charlie, nakatingin sa kanyang selpon at nagte-text habang nilalait siya.

Sa tingin niya ay inaabuso niya ang isang aso kaya syempre, gusto niyang marinig na tumahol ang aso.

Sa hindi inaasahan, hindi nagsalita si Charlie.

Pinatunayan niya na walang binago ang panahon. Siya ay talunan noong kolehiyo, at siya rin ay isang talunan ngayon na hindi man lang umiwas pagkatapos laitin.

Kaya, tinaasan niya ang kanyang yabang sa kanyang tono at kinutya, “Hoy, Mr. Class Rep, magaling kang tumiis ng insulto!”

“Ah oo nga pala, narinig ko na ikaw at si Claire ay hindi pa natutulog nang magkatabi simula noong kinasal kayo. Si Claire ba ay asawa ng iba at ikaw ay isang usok lamang upang takpan ang kanyang panloloko? Hahaha!”

Sumimangot nang galit si Charlie.

‘Hindi mo lamang ako ininsulto, ngunit ininsulto mo rin ang aking asawa. Sabrina Lee, hinuhukay mo ang sarili mong libingan!’

Habang galit, tinawagan niya ang numero ni Isaac Cameron. Tumingin siya kay Sabrina at sinabi nang payak habang naghihintay na may sumagot, “Itatanong ko sa taong namumuno ang tungkol sa pagkuha nila ng empleyado, dahil kahit ang katulad mong bastos ang dila ay nagtatrabaho rito!”

“Ano? Nangahas kang takutin ako? Talagang kailangan mo ng bugbog!” Galit na sinabi ni Sabrina at sumigaw sa mga guwardiya sa tabi niya, “Nandito siya para manggulo, bugbugin siya!”

Sa sandaling ito, may sumagot sa kanyang tawag.

“Hello, sino ito?”

Isang makarismang boses ng lalaki ang sumagot sa kabilang linya.

Sinabi nang malamig ni Charlie, “Ikaw ba si Isaac Cameron? Ako si Charlie Wade, nandito ako ngayon sa pasukan ng Shangri-La. Bibigyan kita ng isang minuto para pumunta rito o makakaalis ka na sa Shangri-La!”

Nang marinig ito, ang lalaki na puno ng karisma sa simula ay agad na nabalisa at nag utal-utal, “Young… Young Master? Nandito ka po talaga sa Shangri-La?”

“Limampung segundo!”

Ang lalaki ay umatungal sa selpon at sinabi nang nabalisa, “Mangyaring maghintay ka po nang isang sandali, papunta na ako!”

Nakangisi si Sabrina habang siya ay nakikinig sa pag-uusap sa selpon ni Charlie at sarkastikong inasar, “Hoy, Charlie, hindi ko alam na magaling ka pala gumawa ng kwento! Kilala mo ba si Mr. Cameron? Kahit ang mga pinaka prestihiyosong miyembro ng Shangri-La ay hindi magiging mapagmataas sa harap ni Mr. Cameron! Sa tingin mo ba talaga ay maloloko mo ‘ko kung magpapanggap ka na tumawag?”

Masamang tumingin si Charlie sa kanya at sinabi nang mahina, “Malalaman mo sa tatlumpung segundo kung niloloko kita!”

Tumawa nang mapanglait si Sabrina, “Sige, mahal kong class rep! Maghihintay ako ng tatlumpung segundo! Ay hindi, gawin na natin itong tatlong minuto. Kung hindi magpapakita si Mr. Cameron sa tatlong minuto, ipapatanggal ko sa mga guwardiya ang mapagkunwari mong bibig sa mukha mo, sinungaling na ungas! Hahaha! Nakakatawa ito!”

Dalawampung segundo ang lumipas, isang di gaano katandang lalaki na may mamahalin na amerikano ang tumakbo nang nababalisa sa kanila.

Siya ay isang aso na nagtatrabaho sa pamilya Wade. Siya rin ay isang makapangyarihang aso.

Simula nang siya ay naging punong tagapamahala ng Shangri-La sa Aurous Hill, siya ay naging isa sa mga pinaka respetadong tao sa siyudad. Kailan ang huling pagkakataon na siya ay nabalisa at nabahala?

Gayunpaman, ang kanyang pagkabalisa ay maiintindihan. Hindi niya inaakala na ang young master ng pamilya Wade ay lilitaw sa Shangri-La, na pinamamahalaan niya...

Lalaitin pa sana ni Sabrina si Charlie nang bigla niyang makita ang mga guwardiya na namutla at natakot habang sila ay nakatingin sa likuran niya.

Sinundan niya ang kanilang gulat na paningin at tumalikod nang makita niyang sumulpot si Mr. Cameron.

Pagkatapos ay humarap siya kay Charlie, ang kanyang mga mata ay puno ng takot. “Ito… Paano… Paano ito naging posible…”

“Sino si Mr. Charlie Wade?”

Ang boses ni Isaac ay nanginginig sa takot at hindi paniniwala.

Silang lahat ay nalilito at nakatulalang nakatingin sa kanya. Ang lalaki na kayang kalugin ang buong Aurous Hill sa pamamagitan lamang ng pagtapak ng kanyang paa ay sobrang takot sa punto na nagbago ang kanyang boses!

Sinabi nang malakas ni Charlie, “Ako!”

Mabilis na pumunta sa kanya si Isaac at yumuko. “Young…”

Agad na sumingit si Charlie, “Mr. Cameron, may mga bagay na hindi dapat sinasabi sa publikong lugar.”

Nanginig nang sobra si Isaac sa kanyang sinabi.

‘Diyos ko po! Napakatanga kong aso! Ang pagkakakilanlan ng Young Master ay siguradong sikreto, ngunit muntikan ko na siyang tawagin! Kung gagalitin ko ang Young Master, ito na ang katapusan ko!”

Kaya, mabilis niyang binago ang pagtawag sa kanya ngunit nagsalita pa rin siya sa magalang na tono, “Mr. Wade, maligayang pagdating sa Shangri-La. Mangyaring sundan mo ako sa aking opisina para karagdagang pag-uusap.”

Talagang nagulat si Sabrina. Hindi niya matanggap ang katotohanan ngunit ang lahat ay nangyari sa harapan ng kanyang mga mata.

Sino ba talaga si Charlie Wade? Ano ang tunay niyang pinagmulan? Paano niya napayuko na parang alila ang pinuno ng Shangri-La?

Hindi siya magtatanim ng galit sa kanya dahil sa kanyang panlalait, tama?”