CAPITULO TREINTA

Napatigil lamang kami sa pagtakbo nang makalabas na kami sa hukuman, may tatlo pang guardia civil na nakabantay dito ngunit agad silang binaril ng aking tagapagligtas. Walang sinuman sa kanila ang nakaligtas dahil sa ulo nila mismo nakabaon ang bala. Kinalas niya ang lubid sa kabayo na nakatali sa kahoy.

Wala siyang pagaalinlangang isakay ako sa kabayp bago siya sumunod. Nasa likuran ko siya kaya hindi ko kita ang kaniyang mukha. Dahil gulat pa din ako sa nangyari kanikanina lamang, wala akong lakas para manlaban kung sino man ito. Wala na akong pake kung saan niya ako dadalhin.

Dahil sa pagputok ng kaniyang baril sa aming paglabas, ang mga taong naglalakad lamang ng payapa sa Calle Verde ay nagsitakbuhan at naghahanap ng matataguan. Sinimulan niya nang patakbuhin ang kabayo nang marinig ko ang galit at malakas na pagsigaw ng isang lala