Chapter Fifty-Five: Gusto kong sumali sa agency

MABILIS na inikot ni Stella ang kinalalagyan niya papunta sa shutgun seat upang pagbuksan ng pintuan ang lalaki. Alam kasi niya na wala pa ito sa sarili, andodoon pa ‘rin ang konsensya sa kaniyang isipan dahil sa ginawang kasinungalingan sa lalaki ngunit mas nangingibabaw pa ‘rin ang kagustuhan niya na itago ang anak dito. Pinagbuksan niya ito ng pinto at ngumiti sa kaniya ng pilit si Ace.

“S-Salamat,” sabi nito at lumabas ng sasakyan. “Ako dapat ang gumagawa nito sa’yo.” Hindi niya pinansin ang sinabi ng lalaki at tumingin lamang sa bahay na nasa kanilang harapan. Mayroon itong dalawang palapag, simple lang ito ngunit ang desensyo nito ay katulad ng mga bahay sa ibang bansa. Makinis na makinis ang pader at mayroong kulay na gray at cream.

“Nagustuhan mo ba?” napatingin siya kay Ace dahil doon at nakita niya ito na nakatingin din sa kaniya na tila nag-aalala. Napakunot ang kaniyang noo dahil doon. “Pwede na,” tanging naisagot niya na ikinabuntong hininga ni Ace. “Sabagay mas okay n