Chapter Fifty-Six: Agency

NAKAHIGA at malalim ang iniisip ni Stella. Hindi na niya muna inisip ang mga nangyari sa kanila ni Ace sa araw na iyon. Ang tanging pumapasok sa isip niya ay kung sino ang nagtatangka sa kaniyang buhay, kailangan niyang makuha lahat ng gamit na mayroon siya sa bahay nila lalo na at mayroon siyang pinakang iniingatan doon. Isa pa ang sinabi sa kaniya ni Athena, hinabilin nito sa kaniya na tulungan si Philip tungkol sa pumaslang sa pamilya nito.

Kailangan niyang maka-usap si Philip upang mas mamanmanan nila ng maayos ang mga Chan, at isa pa alam niya na mayroon na itong plano at kailangan niya iyong malaman bago siya tuluyang gumawa ng aksyon. Sa gitna ng kaniyang pag-iisip ay biglang tumunog ang kaniyang telepono at pagtingin niya dito ay nakita niyang si Ava ang caller.

Nanlaki ang mata niya dahil doon lalo na ng makitang alasingko na pala ng umaga, malamang na anak niya ang tumatawag sa kaniya. Inayos niya ang sarili at boses pagkatapos ay sinagot ito. “Mommy! I miss you po!” napa