Chapter 58

Madeline's P. O. V.

Gumaan na ang pakiramdam ko kaya nakapasok na ako sa school. Kinuwento ko kala Roselle at Catalina ang mga nangyare, pati na rin ang big revelation sa pagitan namin ni Raven.

"Small world, parang sobrang imposible na mapangasawa mo pa ang lalakeng dahilan kung bakit ka naging si Maddy ngayon," kumento ni Roselle.

Nakaupo kami sa cafeteria at tapos nang kumain. Uminom ako ng soft drinks at napatingin sa paligid.

"Baka mamaya maging bagong issue na 'to kung may makarinig man," bulong ko at mahinang tumawa.

"Mas mapapatunayan niyo naman na mahal niyo talaga ang isa't isa. Para kayong tinadhana ni Lord na magtagpo, siguro kayo talaga ang end game." Binitawan ni Catalina ang kutsara at tinidor niya.

"Siguro nga, sana... Kahit na magkaroon pa kami ng maraming LQ, sana kami pa rin talaga sa bandang dulo," sabi ko at ngumiti.

"Pero alam mo." Tinuro ako ni Roselle. "Depende rin kasi talaga sa mag-partner 'yan. Kung mag-stay ba sila o hindi, kung pipiliin ka pa rin nila kahi