Arranged Marriage To A Trouble Maker (Tagalog)

Madeline's P. O. V.

Nakatayo ako sa harapan ng building ng company ng aking magulang. Kakatapos lamang ng klase ko at pinapapunta nila ako para raw makilala ko ang lalakeng ipapakasal nila sa akin. Ilang beses akong tumanggi pero ayaw talaga magpapigil nila Mama, para bang hawak nila ang buhay ko.

Napatingin ako sa aking bagong shoes, nagkaroon ito ng talsik ng putik dahil kakaulan lang. Raining season ngayon kaya madalas ang pag-ulan. Akmang pupunasan ko ang sapatos ko nang bigla kong maramdaman ang pagtalsik ng tubig sa aking blouse at palda.

"Sino 'yon!?" sigaw ko.

Agad na nag-init ang dugo ko nang makita ang isang kotse na huminto sa parking lot ng aming building. Napatingin ako sa suot ko na puno ng itim na marka ng putik. Mabilis akong lumapit sa kotse at hinampas nang ilang beses ang bintana nito.

Pumamewang ako at tumayo sa tapat ng drivers seat, bumukas ang pinto nito. Isang matangkad at gwapong lalake ang lumabas ng kotse.

"What's wrong with you?" tanong niya habang magkasalubong ang kaniyang kilay.

"Ang kapal ng mukha mo, hindi mo ba nakikita 'tong ginawa mo sa akin!?" sigaw ko at tinuro ang blouse kong may putik.

Tinitigan niya ito na parang wala lang. Tila ba wala siyang pakialam. Sa sobrang inis ko ay hinampas ko ang dibdib niya.

"Apologize!" sigaw ko.

Hindi siya kumibo at napa-cross arms pa ito na akala mo kung sinong matapang. Napataas ang kilay ko sa kaniya, sinusubukan ng lalakeng 'to ang pasensya ko.

"Don't you know who I am?" tanong niya.

Inirapan ko siya.

"Wala akong pakialam kung sino ka pa, mag-sorry ka ngayon din at palitan mo ang damit ko!" sigaw ko.

Pansin ko ang pagtitinginan ng mga taong dumaraan sa amin. Inirapan ko silang lahat at binalik ang pansin sa lalakeng may kasalanan sa akin.

"Here, for your uniform, student."

Naglabas siya ng kaniyang pitaka mula sa bulsa. Napaawang ang labi ko habang pinapanood siyang kumuha ng ilang libong pera at i-abot sa akin ito.

"Apologize first," ani ko.

Hindi siya nagsalita at kinuha ang kamay ko. Nilagay niya ang perang hawak niya sa aking palad sabay lakad papalayo. Niyukom ko ang kamao ko dahilan para malukot ang pera na binigay niya.

Hinanap ko siyang muli, nakita kong pumasok ito sa loob ng building nila Daddy. Mukhang empleyado siya ni Mommy at Daddy tapos hindi niya ako kilala na anak ako ng may-ari ng building na kinatatayuan niya ngayon.

"Patay ka sa akin, matatanggalan ka ng trabaho ngayon dahil sa ginawa mo sa akin!"

Mabilis akong tumakbo papasok ng building. Agad akong nakilala ng guard at ilang employee. They bowed at me and someone held my arms. I was shocked to saw my uncle.

"Tito Bryan," ani ko.

"Bakit puno ng putik ang uniform mo?" tanong niya.

"Someone did it, and now he's gonna pay for it!" inis kong sambit.

"Maddy, wala ka na namang pasensya, nag-sorry ba sa 'yo?"

"Yun nga, Tito. Hindi siya nag-sorry and offered me this!" ani ko at tinaas ang kamay kong puno ng ilang libong cash.

Napailing si Tito. Sanay na siya sa akin since bata ako, palagi akong nagagalit sa maliliit ba bagay at wala silang magawa kundi pakalmahin ako.

"Come on, Maddy. Palagpasin mo na siya kung sino man siya dahil hinahanap ka na ng Mommy at Daddy mo sa office nila."

Napatango ako kay Tito.

"Sige po. Kayo po ba, saan kayo pupunta?" tanong ko.

"Kakatapos ko lang makipag-usap sa supervisor, aalis ako ngayon para pumunta sa manufacturer. Sige na, kanina ka pa hinihintay sa office."

"Sige po, Tito. Ingat po kayo," ngumiti ako sa kaniya.

Naglakad na siya palayo, nawala ang ngiti sa aking labi nang maalala ang kasalanan sa akin ng masungit na lalake. Akala ba niya masasampal niya ako ng pera? Hindi ako papayag na hindi matatanggal ang trabaho niya!

Tumakbo ako patungo sa elevator, nagulat ako nang makita ko ang lalaking nakita ko kanina na pumasok sa loob. Dahil malayo pa ako sa elevator ay bigla itong nagsara. Hindi ko na naabutan. Napapadyak ako at tumingin sa itaas ng elevator para malaman kung anong floor siya pupunta.

"Tenth floor!" sigaw ko nang huminto ito ng 10th floor.

Agad kong pinindot ang kabilang elevator para sumakay doon. Patuloy ako sa pagpadyak ng paa ko habang hinihintay na makarating ako sa 10th floor. Tumunog ang elevator hudyat para makarating ako sa palapag na pupuntahan ko.

Napatigil ako nang makita ang pamilyar na lalake. Nakatayo ito sa glass window ng building habang nakatapat ang kaniyang cellphone sa tenga nito. Napabuntong hininga ako at dahan-dahang lumapit sa kaniya.

"I know, but it will cause a damage. You care only about yourself, huh? Igalang mo naman ako, I'm your older brother."

Umiral naman ang pagiging chismosa ko. Dahan-dahan kong inilapit ang aking tenga sa kanya habang nakatalikod ito sa akin.

"Then study hard, ang hirap kasi sa 'yo umaasa ka pati kay Mom. You know she's having a hard time already. She's a single mother, and I respect her decisions for me."

Napakunot ang noo ko.

Ibig niya bang sabihin, wala na ang kaniyang ama? Dahil single Mom na lang ang Mommy niya? Or hiwalay sila? Broken family?

"Oo, kahit ayoko. Gagawin ko 'to for our family. I hope you can somehow appreciate that."

Napatingin ako sa kaniya. Bakit dama ko rin yung pressure dahil sa sinabi niya, parang may gagawin siyang ayaw niyang gawin at napipilitan lang siya. Napailing ako sa awa sa kaniya, naibsan naman iyon nang maalala ang hindi niya pagso-sorry.

Tama, pangit ang ugali niya kaya dapat lang sa kanya 'yon, magdusa siya!

Nataranta ako nang bigla niyang ibulsa ang kaniyang cellphone. Napalingon siya sa akin at napaatras sa gulat. Dahil mayroong malaking paso sa likod niya ay doon siya umatras, nagulat ako nang mapaupo siya sa malaking halaman na naroon.

"Sh*t!" sigaw niya.

Hindi ko napigilan ang pagtawa ko. Bakas sa mukha nito ang inis, tumayo siyang muli at nang tumalikod ito ay nakita ko ang putik sa kaniyang pwit-an. Basa pa pala ang lupa at mukhang bagong dilig, dumikit iyon lahat sa kaniyang pwit.

"Buti nga sa 'yo, palibhasa pagso-sorry lang hindi mo pa magawa," tumatawa kong sambit.

"Hindi ko kasalanan na nakatayo ka sa gilid ng kalsada. What do you want me to do? Paliparin ko yung kotse para hindi ko magulungan yung tubig!?" sigaw niya.

Napatigil ako sa pagtawa dahil sa sinabi nito. I inhaled and closed my eyes.

"Eh, tarantado ka pala! Namimilosopo ka pa kaysa aminin mong mali ka. Anong gusto mong gawin ko? Lumutang sa kalsada para hindi matalsikan ng putik, samantalang ikaw 'tong pwede namang magdahan-dahan sa pagmamaneho!" sigaw ko.

"I don't have time to argue with you, I have an important meeting to attend, woman."

Napairap ako nang talikuran niya ako. Hinabol ko siya at nagulat ako nang hawakan niya ang doorknob ng office ni Daddy.

"Hoy! Anong gagawin mo diyan? Bakit papasok ka diyan?" tanong ko.

"I have a meeting," walang gana niyang sagot.

"Ako ang mauuna!" hinawakan ko ang doorknob at nakipag-agawan sa kaniya.

"Crazy woman!" sigaw niya at sinagi ako.

Napaatras ako sa ginawa niya. Gustong-gusto kong suntukin siya sa mukha ngayon din pero tatanggalan ko na lang siya ng trabaho. Muli kong hinawakan ang doorknob habang pilit niya akong tinutulak.

"Ako na!"

"You're just a student!"

"Hindi mo kilala ang binabangga mo ngayon, kung sino ka man!"

"I am not playing with you, this is a serious matter!"

"Tatanggalin ko ang trabaho mo, kahit ano pa ang posisyon mo sa building na 'to!"

"I don't care about your nonsense, I have to enter this room, now!"

"Hindi! Mauuna ako!"

Sa lakas ng pagkakatulak niya sa akin ay napaupo ako sa sahig. Nauna ang pwit-an ko kaya napabukaka ako sa sahig. Nanlaki ang mga mata ko nang makitang nakatitig siya sa loob ng palda ko. Noon ko napagtanto na kita na niya ang panloob kong shorts.

"Bastos! Isusumbong kita kay Daddy!" sigaw ko.

"What? Ako pa talaga, ikaw 'tong bumukaka nang kusa!" sigaw niya.

Sa inis ko ay hinawakan ko ang pants niya at hinila ito. Pilit naman niyang hinahawakan ang belt niya at itinataas.

"Baliw ka ba talaga? Stop it!" sigaw niya.

"You owe me an apology! Now, apologize to me!"

"Never, it's not my fault, it's yours!"

Napaupo siya sa sahig dahil sa paghila ko ng pants niya. Hinawakan ko ang kaniyang polo at hinila ito, natanggal ang butones niya at tumilapon sa kung saan.

Bigla niyang hinawakan ang leeg ko kaya agad ko ring hinawakan ang leeg niya. Idiniin ko ang kuko ko sa kaniyang leeg dahilan para mapasigaw siya sa sakit. Napangiti ako nang mabitawan niya ang leeg ko at agad na hinawakan ang kamay ko.

"F*ck!" sigaw niya sa sakit.

"Who's shouting here---Mr. Aguilar, Maddy!"

Napabitaw ako sa lalake nang marinig ang boses ni Mommy. Nakatayo ito sa pinto habang nasa likod niya si Daddy. Nang makita ni Daddy ang lalakeng nasa harapan ko ay agad niya itong nilapitan.

"Maddy, bakit mo naman sinaktan ang lalakeng ipapakasal namin sa 'yo?" nag-aalalang sambit ni Daddy.

Tila ba gumuho ang mundo ko sa sinabi ni Daddy. Nagkatitigan kami ng lalake.

"Ikaw!?"

***************