Chapter 78

5 YEARS LATER

Madeline's P. O. V.

"Ms. FA, ehem--Roselle!" sigaw ko nang hindi niya ako pansinin dahil busy siya sa pakikipag-picture sa kaniyang mga kaklase.

Nang lingunin niya ako ay kusang gumuhit ang ngiti sa aming mga labi. Nagtatatalon ito papunta sa akin, nang makalapit siya ay binigyan niya ako ng mahigpit na yakap.

"Yes! Graduate na tayo!" sigaw ko habang yakap namin ang isa't isa.

Humiwalay siya at hinawakan ang pisngi ko.

"Pero, Bes... Ang pinakamasarap sa lahat. Tapos na tayo mag-aral tapos sasahod na tayo!" sigaw niyang muli.

"Bakit parang hindi na ako kasali sa inyo?"

Napatigil kami nang marinig namin ang boses ni Catalina. Paglingon namin sa likod ay nakita namin siyang nakatayo, may dalang isang bouquet ng bulaklak. Napataas ang kilay ko nang makita ang manliligaw niya sa kaniyang likuran.

"Oh, nandyan pala si Paul James," puna ko.

"May sasabihin kasi ako sa inyo, actually, kami... May sasabihin kami," ani Catalina sabay ayos ng kaniyang eyeglasses.

Napakunot ang n