KABANATA 465

Natapos na ng mga doktor sa emergency room ang paunang pagsusuri kay Natalie. Ayon sa kanila, wala naman silang nakitang problema sa mga vital signs niya, ngunit dahil buntis siya, tinawag nila ang isang obstetrician para sa mas masusing pagsusuri.

Sa buong proseso, hindi umalis si Mateo sa labas ng silid. Ilang beses siyang nagparoon at nagparito habang hinihintay kung kailan nila makikita si Natalie.

“Alex,” tawag ni Mateo sa tauhan niya.

“May kailangan kayo, sir?” Nasa malapit lang si Alex. Binigyan din ito ng paunang lunas. Pero dahil wala naman itong nararamdaman, sinamahan na niya ang buong grupo sa labas ng ER.

Dahil trabaho ni Alex na samahan ang asawa ng mangyari ang lahat, kailangan ni Mateo na marinig ang buong detalye mula mismo sa kanya. “Sabihin mo sa akin ang lahat. Huwag kang magtitira ng kahit na anong detalye.”

Agad na inamin ni Alex ang kanyang pagkakamali. “Sir, patawarin niyo ako. Nabigo akong protektahan si Natalie.” Pagkatapos, isa-isang ikinuwento niya ang laha