Kabanata 03

Napakurap-kurap si Tessa bago niya itinaas ang paper bag na hawak niya. “N-nandito ako para isauli sa’yo ang jacket mo, salamat.” Kinuha ni Zander mula sa kanyang kamay ang hawak niyang paper bag.

“Okay... wala ka ng ibang sasabihin sa’kin?” bahagyang nadismaya si Zander.

Tumango naman kaagad si Tessa dahil sa kaba.

Tinalikuran na siya ni Zander at dumiretso na ito patungo sa may elevator.

Natawa naman ang dalawang receptionist nang pinalo ni Tessa ang kanyang noo at pagkatapos sinundan nito si Zander. “Atty Velasquez, gusto ko sanang itanong—” hindi na itinuloy ni Tessa ang kanyang sasabihin nang bumukas ang pinto ng elevator at pumasok na si Zander sa loob. Pumasok din si Tessa sa loob at tumabi pa siya kay Zander.

Saglit na sinulyapan ni Zander si Tessa. Inayos niya ang kanyang damit sa harap ng salamin.

“Hindi ko kukunin ang kaso mo ng tatay mo.” Agad na napatingin si Tessa kay Zander nang magsalita ito. Napalunok naman si Tessa, saka napayuko.

Mukhang alam na nito ang tungkol sa problema ng kanyang pamilya.

“K-kinausap ka na ba ni Liam?” tanong niya sa mahinang tono ng boses.

Tiningnan siya ni Zander sa salamin at ngumiti nang bahagya. “He doesn’t have the guts to talk to me about your father’s case. I also like to keep my public and private life separate from my work,” sabi nito sa kanya.

Naintindihan naman ni Tessa ang ibig niyang sabihin. She was a little embarrassed.

Kahit na pasok naman si Tessa sa kanyang physical standard sa babae, hindi pa rin ito sapat para gawin niyang eksepsyon si Tessa.

Pagdating nila sa 28th floor bumukas na ang elevator. Naghihintay naman ang sekretarya ni Zander sa may tapat ng pinto. Medyo nagulat ito nang makita niya si Tessa sa tabi ng kanyang boss, ngunit hindi nito pinahalata sa kanila.

“Sir, dumating na po si Mr. Tino,” sabi nito kay Zander.

Kaagad na ibinigay ni Zander ang kanyang jacket sa kanyang sekretarya. “Wash it or just send it to the cleaners.”

“Copy, boss. Pupunta na po ako, ngayon din,” paalam nito bago ito umalis.

Yumuko si Zander at tiningnan ang mga mensaheng natanggap niya nang sunod-sunod na tumunog ang notification ng kanyang cell phone.

“Maghanap ka na ng ibang abogado. Hindi ako interesado sa kaso ng tatay mo.... Also, women should wear their belts lightly,” saad nito bago siya iniwan nitong nakatulala.

Napatingin naman si Tessa sa kanyang suot na sinturon bago niya ito inayos. “May pagka-strikto rin pala ang lalaking ‘to. Bagay nga sa kanya ang maging abogado!” wika ni Tessa. Bumaba na siya at umalis na sa kompanyang pinagtatrabahuhan ni Zander.

Tinanggihan na siya ni Zander at wala na siyang magagawa pa roon.

Lalong nababalisa si Tiya Cora sa bahay nila at patuloy na nagrereklamo. Dahil sa sobrang pressure, nakipagkita si Tessa sa kanyang kaklase noon sa kolehiyo na si Ruffa Dela Cruz.

Nagpakasal si Ruffa pagkatapos ng kanilang graduation. Ang asawa nito ay nagmula sa mayamang pamilya na may maraming kakilala at maimpluwensiya.

Humingi si Tessa ng tulong kay Ruffa dahil ito na lamang ang kanyang tanging pag-asa.

Nagkita ang dalawa sa isang coffee shop, at ikinuwento ni Tessa ang buong nangyari. Komportable naman siyang i-share ang kanyang problema kay Ruffa, dahil mapagkakatiwalaan naman ito.

Sinumpa ni Ruffa si Liam, at pagkatapos ilabas ang kanyang galit, tumingin ito ng diretso sa mga mata ni Tessa. “Wala talagang nangyari sa inyo ni Atty. Velasquez noong gabing ‘yon?" mapanuksong tanong nito sa kanya.

Umiling si Tessa at biglang namula ang kanyang mga pisngi, at napainom din siya sa kanyang kape.

“Huwag ka munang sumuko, Tessa. Mataas talaga ang standard ni Atty. Velasquez, kaya siya ganyan. Pero ikaw pa ba? Kayang-kaya mo ‘yan,” hininaan ni Ruffa ang kanyang boses.

Mapait na ngumiti si Tessa. “Wala na akong ibang pagpipilian, Ruffa. Sa tono ng boses niya kanina? Wala talaga siyang balak na tulungan ako sa kaso ng papa ko.”

Napaisip si Ruffa at maya-maya lang ay ngumiti ito kay Tessa. Gagamitin ni Ruffa ang kanyang koneksyon upang mapalapit si Tessa kay Zander.

Alas tres ng sabado ng hapon, nakipagkita si Zander sa isang importanteng tao para maglaro ng golf sa club.

Sinundan ni Tessa si Ruffa at ang asawa nito, at nagulat siya nang makita niya roon si Liam.

Kinurot nang malakas ni Ruffa ang kanyang asawa. “Dapat inalam mo muna kung pupunta rin ba si Liam o hindi. Paano makakadiskarte si Tessa kung nandito ang mokong na lalaking ‘yan?”

“Pasensya ka na, Tessa. Hindi ko alam na nandito rin pala si Liam,” taos-pusong humingi ng paumanhin ang asawa ni Ruffa na si Brent.

Magsasalita na sana si Tessa nang makita niyang nakatingin sa kanilang direksyon si Zander. He was wearing a white casual golf suit. He felt like a star among the crowd.

Lumapit ito sa kanila at sina Ruffa at ang asawa lamang nito na si Brent ang binati ni Zander. Malawak ang ngiti sa mga labi ni Brent.

Napatingin naman si Zander sa suot ni Tessa. White loose t-shirt at light gray na sports short ang suot ngayon ni Tessa. Ang kanyang kulay brown at bahagyang kulot na mahabang buhok ay nakatali ng bun, na nagdaragdag ng kaunting alindog sa kanyang presko na hitsura. Tiningnan ni Zander ang makikinis at mapuputing binti ni Tessa. Literal na sinuri nito ang kanyang buong katawan, kaya nakaramdam ng pagkailang si Tessa.

“I haven’t seen this person before,” sabi ni Zander.