Kabanata 02

Pagpasok ni Tessa sa loob ng bahay nila, nakita niya ang kanyang Tiya Cora na nakaupo sa sofa at tila tulala ito. Pula ang mga mata nito, na para bang kagagaling lang nito sa pag-iyak.

Inilibot ni Tessa ang kanyang tingin sa buong paligid, at hindi niya maiwasang magtanong, “Ano ang nangyari Tiya Cora? Nasaan si Papa?”

Ang kanyang Tiya Cora ay ang pangalawang asawa ng kanyang ama.

Nang marinig nito ang kanyang tanong, hindi nito napigilang ang sarili na magmura.

“Talagang walang utang na loob iyang si Liam! Ang lupit-lupit niya!” galit na sigaw ng kanyang tiya. “Noong mga nakaraang taon, noong lugmok na lugmok ang pamilya Torres, nanatili ka sa tabi niya at hindi mo siya kailanman iniwan. Tapos ngayong nakabawi na siya, hindi lang ikaw ang kinawawa niya, gusto pa niyang ipakulong ang tatay mo. Nasa detention center ngayon ang tatay mo, Tessa.” dagdag pa nito na ikinagulat ni Tessa.

“Tessa, matagal ko nang sinasabi sa iyo na hindi si Liam ang para sa’yo, pero ayaw mong makinig sa aking bata ka,” patuloy siyang pinagsasabihan ng kanyang Tiya Cora.

Hindi makagalaw si Tessa, pinoproseso pa rin ng kanyang utak ang mga nangyari.

“Huwag kang mag-alala, Tiya Cora... s-susubukan kong kausapin s-si Liam,” aniya.

Dinial niya ang numero ni Liam at kaagad din naman nitong sinagot ang kanyang tawag, saka pinindot ni Tessa ang loud speaker button upang marinig din ng kanyang tiya ang mga sasabihin ni Liam sa kanya.

Sinubukang pakalmahin ni Tessa ang kanyang sarili. “Liam, naghiwalay na tayo. Nakikiusap ako sa’yo, huwag mo nang idamay ang papa ko,” diretsahang sabi niya.

Ngumisi si Liam sa kabilang linya. “Mananagot ang dapat na managot, Tessa. May ginawang kasalanan ang papa mo, at dapat siyang ikulong.”

“Liam, please... nakikiusap ako sa’yo. Palayain mo na ang papa ko,” pagmamakaawa niya rito.

“Sure, madali naman akong kausap—alam mo ‘yan. May isa pang paraan, depende kung papayag ka, Tessa,” sabi nito sa kanya.

“A-ano iyon?” kinakabahan na tanong niya rito.

“Susundin mo ang lahat ng sasabihin ko sa loob ng limang taon, at palalayain ko si Tito Roy... at kapag hindi ka sumunod sa akin... alam mo na kung ano ang mangyayari sa papa mo,” dugtong pa nito.

Natigilan si Tessa. Hindi niya inaasahan na magiging ganoon kawalanghiya si Liam. Gusto pa rin siyang angkinin nito kahit wala na silang relasyon.

"Liam Torres, you really make me sick! Sumusobra ka na. Hindi pa rin ba sapat sa’yo na niloko at sinaktan mo ako?!” Nanginginig na sa galit si Tessa.

“Bakit, sino ba ako, Tessa? Hindi ba matagal mo na akong kilala?” tanong nito sa kanya.

Nagngangalit ang mga ngipin ni Tessa dahil sa galit. “Hindi ako susunod sa’yo, tandaan mo ‘yan! Itatak mo iyan sa maliit mong utak!” sigaw ni Tessa kay Liam mula sa kabilang linya.

Narinig niyang tumawa si Liam, “Kung gano’n, maghanda ka nang kumuha ng abogado para kay Tito Roy! Tessa, huwag mo akong sisihin dahil pinapili na kita. Ang ganitong kalaking halaga ng pera ay magreresulta sa hindi bababa sa sampung taon sa kulungan. Dalawin mo na lamang ang iyong ama sa kulungan.”

Ngumisi si Tessa, “Kukuha ako ng pinakamagaling na abogado rito sa pinas!” mariin niyang sabi.

“Si Zander Velasquez ba ang tinutukoy mo?” Kalmadong ngumiti si Liam, “Tessa, nakalimutan mo na ba na siya ang magiging bayaw ko? Tutulungan ka kaya niya sa kaso ng ama mo?” Tinawanan siya nito.

Nakaramdam ng lamig si Tessa mula ulo hanggang sa kanyang mga paa.

“Hihintayin kong magmakaawa ka sa akin, Tessa,” mahinang sinabi ni Liam.

Pagkababa pa lang ni Tessa ng telepono, malakas na nagmura ang kanyang Tiya Cora, “Putangina talaga ang lalaki na ‘yan!” Nilapitan ni Tessa ang kanyang tiya at pagkatapos hinagod niya ang likod nito upang pakalmahin ito. “Sino ba siya sa inaakala niya?! Kahit na mapahamak ang pamilya natin, hindi namin hahayaang sirain ka niya,” dagdag pa na sabi ng kanyang tiya. Napabuntong-hininga naman si Tessa.

Nagsimulang umiyak ang kanyang Tiya Cora habang nagsasalita ito: “Ang abogadong ‘yon na si Zander Velasquez ay bayaw ng walang utang na loob na lalaking ‘yon. Paano natin siya mapapapayag na tulungan tayo sa kaso ng papa mo? Tessa, mag-isip ka ng paraan.”

Ibinaba ni Tessa ang kanyang tingin. Pagkatapos ng ilang sandali, “Nakilala ko na si Atty. Zander Velasquez, tiya. Susubukan ko na kausapin siya,” mahinang sabi ni Tessa.

Naamoy ng kanyang tiya na amoy alak siya at nakita nito ang panlalaking jacket na suot niya, kaya pinapasok na siya nito sa kanyang kuwarto para makapagpahinga.

Kinabukasan din ay maagang gumising si Tessa, susubukan niyang kausapin si Zander. Hindi rin naging madali para sa kanya na makita si Zander.

Sa lobby ng TOP Law Firm, sinubukan ni Tessa na magtanong sa receptionist: “I’m sorry, ma’am, pero hindi ko po kayo maaaring papasukin nang walang appointment.”

Pinagsisihan ni Tessa na hindi niya tinanggap ang business card na binigay sa kanya ni Zander kagabi.

“Kung magpapa-appointment ako ngayon, kailan ko makikita si Mr. Velasquez?” tanong niya sa babae.

“It will take at least two weeks po, ma’am,” sabi nito sa kanya pagkatapos nitong i-check.

Hindi maiwasan ni Tessa na makaramdam ng kaunting pagkabalisa.

Maya-maya lang ay bumukas ang pinto ng elevator at lumabas ang isang lalaki at isang babae. Ang lalaking lumabas ay si Zander, nakasuot ito ng klasikong itim at puting suit, na mukhang maayos at eleganteng tingnan. The woman is a hot lady in her early 30s.

Nakita ni Zander si Tessa pagkalabas pa lang niya ng elevator, ngunit umakto siya na parang hindi niya ito kilala at inihatid muna niya ang kanyang kliyente palabas.

Nakipagkamay siya sa babae para magpaalam. Ang boses ng babae ay kaakit-akit at charming.

“Thank you so much, Atty. Velasquez. Kung hindi ikaw ang nilapitan ko, baka hindi ako nagkaroon ng maayos na divorce at share ng mga property. Napakakuripot ng lalaking iyon pagdating sa akin, simula noong makahanap siya ng bago niyang lolokohin,” sabi nito sa kanya.

Ngumiti si Zander, “Ginagawa ko lamang po ang trabaho ko.”

“Atty. Velasquez, gusto mo bang uminom mamayang gabi?” tanong nito kay Zander.

Dumapo ang tingin ni Tessa sa magandang babae, at karamihan sa mga lalaki ay hindi siya matatanggihan.

Zander is not an ordinary man. Tumingin siya sa kanyang relo. “Pasensya na, may date kasi ako mamayang gabi,” magalang niyang tinanggihan ang babae.

Tumango ang babae at lumabas na ito, pagkatapos sumakay ng kanyang kotse at umalis.

Sinadya ni Zander na huminto sa may front desk.

Tumingin siya kay Tessa, “Did you changed your mind?”