Chapter 34

Lumipas ang isang linggo at kaarawan na nga ni Emma. Engrande ‘yon at ginanap sa five star hotel. Sinalubong niya ako nang makapasok at iginiya sa table kung saan nakaupo na sina Jasper at Jiro. Wala pa si Ryven.

Umupo na lang ako doon habang nililibang ang sarili. Nagsimula ang program na hindi siya dumadating. Hanggang sa patapos na ito pero wala pa rin siya. Nagsimula na akong kabahan at nagtingin-tingin sa paligid dahil baka nagkasalisi lang kami. Pero wala pa rin siya. Tinext ko na rin siya pero walang reply. Tinanong ko na lang si Jasper kahit na alam kong aasarin din naman ako nito.

“Nakita mo si Ryven?” tanong ko. Napatingin ito sa akin. Akala ko ay aasarin niya ako pero nakita ko rin ang pag-aalala sa mukha niya.

“Hindi nga. Kanina ko pa rin siya hinahanap,” sagot nito. “Ikaw, Jiro?” baling niya naman kay Jiro.

“I’m tracking his location,