Chapter 11

Sa pag-aakala ko'y mananatili na lamang ako photographer ng aking mga pinsan. Mabuti natakot sila na basta magpicture lang ako ng pangit at nakaw na anggulo lang sa aking kuha.

Sumaglit lamang at nagkaroon na rin ako ng pagkakataon na makalublob at kaunting makalangoy sa tubig.

Pabilog ang korte ng pool at wala gaano sa kanila ang lumalapit sa bandang 6 feet dahil sa pagkakaalam ko, si Chyna at Ian lamang ang marunong lumangoy sa amin. Ako hanggang pagsisid lang, pahirapan pa makaahon.

Masaya na sana. Ngunit nang malingat ako pataas kung saan nag-iihaw sila Ian at Marissa, nagulat ako na nagtatagayan ng gin ang tatlong matatanda na pinapangunahan ni Mang Salde. At base sa mga sulyap nila, sa mga babae naming kasama sila nakatunghay.

Mahigpit na bilin ng caretaker na bawal ang ibang kulay na damit maliban sa puti at itim. Sa di ko alam na dahilan ay hindi ako gaano ineentertain ni Jing-Jing kaya di ko nasabihan na 'wag magputi ng damit. At dahil basa na ang kanyang manipis na white shirt, bakas na ang kanyang panloob at dikit na sa damit ang bilog ng kanyang dibdib.

Walang duda. Si Jing-Jing ang pumupukaw ng pansin nila dahil siya ang may pinamagandang mukha, maputi, at hubog na pigura.

Umakyat muli ako sa cottage at kinuha ang towel ng aking irog at muling bumalik malapit sa pool upang abangan ang pag-ahon niya.

Sa siwang na sandali, sumapit na pala ang oras ng pananghalian at nagtawag na sila Ian para kumain.

Isa-isa silang umahon at sinalubong kong ibalabal ang malaking tuwalya kay Jing-Jing.

"Thank you," simpleng imik ni Jing-Jing na walang katamisan.

"Sweet naman...dapat pala sinama ko ang mister ko para may taga-tuwalya rin ako...," birong bungisngis ni Ira sa akin. Sinuklian ko lang siya ng ngiti at paalala:

"Mag-ingat kayo paghakbang at baka kayo madulas paaakyat...," paalala at paggabay ko sa mga kamay nila.

Lubhang tumalim ang tingin sa akin ni Jing-Jing habang inaalalayan ko ang kanyang mga kaibigan paakyat.

"Bhy, umakyat ka na nga rin dito!," mala-batas na mando niya sa akin.

"Yes, Madam!," madiin kong biro kasunod ang pagsaludong nakangiti. Mukhang di niya nagustuhan ang ginawa ko dahil bumakas ang pagnguso nito at kunot ng kilay.

Napangisi ako sa kanyang reaksyon kaya nagmadali rin akong makasunod sa likod niya.

Pagdating sa mga pagkaing nakalatag sa makitid na mesa, hinatak niya ako patabi sa kanya at inabutan ng paper plate. Nangunguha na ang karamihan ng mangunguya nang mapansin naming nag-antada si Ira matapos umusal ng dasal.

"Wait!,"pigil ko sa pagdukwang nila sa pagkain. "Byernes Santo na ngayon pero ni minsan hindi tayo sama-sama na magdasal kaya hindi blessed ang nagaganap...," nagkatinginan ang lahat.

"Ira, can you lead the prayer for us?", muli kong pakisuyo kay Ira.

"Okey Hardy...no problem...,"magiliw na salita niya saka muling nag-antada at umusal ng panalangin ng pasasalamat sa blessings na aming nakain at naranasan magkakasama.

Nang matapos ay isang malakas na "Amen!" ang binulalas ng lahat.

Isa muling busuging piging ang naganap na kinatampukan ng iniihaw nila Ian at Marissa na tilapia at hotdogs, tinolang manok, at pinakbet.

Tinangka ni Ian na ayain ang matatanda ngunit nakakain na raw sila at mag-iinom na lamang. Hindi ko alam kung ano ang pinag-uusapan nila habang pasulyap-sulyap sila sa panig namin.

Nang dumaan ang pagdiriwang ng tanghalian, halos lahat ay nagpaputok ng dighay at kakuntentuhan sa nakain. Syempre, hindi pa rin nawala ang picture taking kahit pa kaninang kumakain.

Habang nagpapahinga, sinisiyasat nila ang mga larawang naipon mula sa nagdaang araw hanggang kanina nang magreact si Eloisa sa biglang pagbura ni Pete sa isang nakunan.

"Bakit mo binura?," alburoto ni Eloisa at namutawi na naman ang makapal niyang pagsibi.

"May malas sa picture...para lang safe ka...," paalala ni Pete.

"Sigurado ka ba?," waring may tampong hayag ni Eloisa sa boyfriend.

"Oo, magtiwala ka lang....,"

"Sige, sabi mo eh,"

Tumingin sa akin si Pete na para bang may nais siyang ipahiwatig na salita ngunit hindi ko mabasa ang nasa isip niya ng mga oras na yun. Basta alam ko, may napuna siyang hindi tama kaya nagpaka-alerto ako.

Habang abala sa pagpapahinga ang karamihan, lumusong na si Ian at Marissa sa pool. Huli ko na rin napansin na umalis na sila Mang Salde at iniuwi na marahil ang mga pinaglagyan ng mga pagkain maliban sa water jug at ilan kalderong may bite sized food pa.

Maya-maya pa'y nagkaayaan na muli na magswimming ang mga pinsan ko at sumunod naman ang lahat. Walang nagtangkang pumunta sa batis dahil malumot at may pagkamapanghi ang amoy sa gilid ng mga batuhan nito. Malapit kasi ito sa itinayong palikuran ng resort na mukhang matagal na hindi naisaayos.

Nang nasa pool na kami ay lumayo si Ian at Marissa sa posisyon magkaharap silang floating. Nakangiti muling luminga si Max sa akin at nagbukang-bibig na "Alam na!"

Tanging si Chyna, at ang nagsusubok matutong lumangoy na si Max, Brix, at Emong na lang ang panay dive at sisid habang kami ay mga nasa gilid lang at mga nagkakatuwaang nakalublob sa tubig.

"Thank you pala, Ira sa prayer kanina ha...nakalimutan na natin yun kung di ko lang nakita sa'yo...,"papuri ko sa kausap.

"It's okay, Hardy...my pleasure..," at gumanti ng matamis na ngiti si Ira na patuloy ko pinuna.

"Ang cute mo, Ira 'pag nakangiti tapos nawawala 'yung mata mo," pag-appreciate ko sa asset niyang iyon.

"Thanks...iyan yata nagustuhan sa akin ng husband ko...," malambing na biro ni Ira na kahit isang ina na ay may maliit at cute pa rin na boses.

"Magbabanlaw na ako, Bhy!," buong diin muling angas ni Jing-Jing.

Nagkatinginan si Kat at Max sa mabilis nitong pag-ahon at pagsunod ko.

"Alam na!,...Lagot!," bulong ni Kat.