Chapter 106

Samantala sa apat na taong nakalipas ay hindi pa rin tumigil sa pagpapahanap si Jayden kay Berry.

Kahit na nawawalan na siya minsan ng pag asa na makita ang dalaga at pinanghihinaan na siya ng loob kapag sumasagi sa isipan niya ang sinabi sa kanya ng kaibigang si Cyrus noon na baka nakahanap na ng ibang lalaki si Berry ay para siyang sinusuntok sa dibdib. Idinadaan na lang niya sa dasal na sana ay hindi iyon mangyari.

Hindi naman kase talaga malabong mangyari iyon dahil sa katangiang taglay nga ni Berry ay siguradong mayroon at magkakaroon ng manliligaw ang mahal niya. Kung siya nga na unang kita pa lang kay Berry noon ay naakit at na in love na agad, ang ibang lalaki pa kaya.

Alam naman ni Jayden ang galit na nasa isip at puso ni Berry dahil sa nakita nitong eksena bago siya nito nilayasan at hindi niya mawawala iyon sa isip ng dalaga hangga't hindi niya ito nakakausap upang paliwanagan.

Naiintindihan niya at nauunawaan rin si Berry kung bakit siya nito pinagtataguan, pero hindi ri