Chapter 16

"Mag aalas singko na maligo na kayo at ipapahanda ko na ang hapunan ninyong dalawa. Kailangan alas syete ay naayusan na kayo at susunduin na tayo nila Allan mamaya," utos ni Jessa na napansin na nagkatinginan ang dalawang babae.

"Wag na kayong magtangka na tumakas dahil nagdoble bantay at nagdagdag na rin ng tao si boss para mabantayan kayo," dagdag pang turan ni Jessa.

Walang nagsalita kina Trina at Berry at wala ring kumilos sa kanila kaya itinulak ni Jessa si Trina.

"Mauna ka ng maligo bilisan mo dahil maghahabol na tayo ng oras," pagalit na utos ni Jessa kay Trina na wala namang nagawa kundi sumunod na nga lang din.

Makalipas ang ilang oras nakapaligo at nakakain na sina Trina at Berry ng may dalawang bakla na pumasok sa silid nila na bitbit ang susuotin nilang sexy dress at pang make up.

Inabot sila ng halos isang oras sa pag aayos.

"No wonder kung bakit kayo ang napili na ipa-auction ni Madam. Napakaganda ninyong dalawa, dinaig n'yo pa ang ibang artista sa ganda," saad ng isang