Chapter 82

Ilang araw ang lumipas na nagkakaiwasan sina Berry at Ishie. Nahahalata iyon ni Jayden pero hindi niya sinisita o kinokompronta ang dalawa. Sa tuwing kakausapin siya ni Ishie ay sa cellphone na lang ito nagsasabi ng gusto nito at si Berry naman ay napanatag na rin dahil hindi na siya binubulabog ni Ishie para makaramdam ng guilt.

Isang araw ay tumawag si Cyrus kay Jayden at sinabi nitong nakamit na nila Marife at Marlon ang hustisya. Naiganti na nila ang pagkamatay ng dalawa at ipinasa nito sa messenger ni Jayden ang ipinalabas na balita sa tv. Ipinakita iyon ni Jayden kay Berry kaya naging maayos na ang pakiramdam ng dalaga.

Ang address naman na ibinigay ng tauhan ni Cyrus ay pinuntahan ni Jayden upang makilala at makausap na sana ang tunay na ina ni Berry ngunit masamang balita naman ang nabatid niya. Alam niyang made-depress na naman si Berry kapag sinabi niyang matagal na palang nakalibing sa sementeryo ang katawan ng ina nito. Pero kailangan niyang ipaalam kay Berry ng hindi na i