Chapter 83

"Natutuwa akong makitang magkasundo na kayong dalawa. Sana ay palagi kayong ganito. Mababawasan na rin ang iniisip na problema ng anak ko." saad ni Sandra na mommy ni Jayden ng lapitan niya sina Ishie at Berry.

"Hello Tita Sandra, kanina pa po ba kayo riyan?" tanong ni Ishie na bineso-beso muna ang ina ni Jayden na kunware ay hindi alam na paparating ang ginang.

"Kadarating ko lang ng marinig ko ang pinag- usapan ninyo. I'm glad na magkaibigan na kayong dalawa. Sang ayon ako sa naging pananaw mo Ishie alang-alang sa magiging anak mo, na apo ko." natutuwang turan ni Sandra.

Malawak ang ngiting nagpasalamat si Ishie.

"Kumusta ka na Berry? naikwento sa akin ng asawa ko na marami ka raw pinagdaanang hindi maganda nitong nakaraang mga araw. Pasensya ka na at hindi kita nadamayan at marami akong naging trabaho. Ngayon na lang lumuwag ang schedule ko." saad na pangungumusta naman ng ina ni Jayden sa nobya ng anak matapos yakapin ng mahigpit.

"Maayos na po ako Tita Sandra, palagi naman po sa