KABANATA 13

Kumakalam na ang sikmura ni Zarina pero nanatili pa rin siyang nakahiga sa kama. Ang mata niya ay nanatili lang nakapikit nang mariin habang ang isang kamay niya ay sapo ang dibdib.

Naninikip ang dibdib niya sa inis.

Masama ang loob niya kay Antoine at ang lahat ng sakit na nararamdaman niya ay gusto niyang ibuhos lahat dito. Gusto niyang iparamdam din dito ang sakit na nararamdaman niya kaya nakapagsalita siya ng hindi maganda sa lalaki. Pero imbes na masiyahan siya sa ginawa niya ay parang mas lalo pa siyang nasaktan.

Huminga siya nang malalim para punuin ng hangin ang kaniyang dibdib. Pakiramdam niya ang bigat-bigat ng dinadala niyang problema at gusto niyang isisi ang lahat ng ‘yon kay Antoine.

Agad niyang pinunasan ang luhang naglandas sa mata niya.

Peste na luha ‘yan hindi na ata natapos-tapos sa kakalabas sa mata niya!

"Tell me how I can make it up to you,” tanong ng isang baritonong boses na nagpamulat ng mata niya. Agad umahon ang kaba sa dibdib niya at may pagtataka kung bak