"CHAPTER 04"

ANTONIO

Pagkarinig ko pa lang ng busina ng sasakyan nila Kora ay agad na akong lumabas ng bahay para sunduin sila.

"Ang haba ng traffic, grabe naman tong mansyon mo, nasa liblib," nakabusangot na sabi ni Kora na agad kong nginitian. Sinenyasan ko sila na ipark ang sasakyan sa loob, dahil nasa likod ng bahay ang garahe.

"Yow, Antonio, pasalamat ka't mahal ka namin kasi kung hindi, wala kaming balak pumunta rito. Ang layo na nga, ang sikip pa," reklamo ni Gil, kaya nakakuha siya ng batok mula sa girlfriend niyang si Tatiana.

"Hindi naman namin sinabing sumama ka, reklamador ka rin. Dapat kayo nalang naging magjowa ni Kora," mataray na sabi ng babae habang abala sa pagseselfie.

"Bhabe, 'wag ka naman ganyan, parang sinabi mo na rin na bagay ako sa unggoy, huhu." umakto pa ang lalaki na naiiyak kaya agad akong napailing.

"Walang-hiya ka Gil, baka nakakalimutan mo, magpinsan tayo." binatukan ni Kora si Gil na agad namang nagtago sa likod ng kanyang girlfriend.

"Yow, dude, pumupogi tayo ngayon ah," ngiting aso na sabi ni Evans. Nakipagfist-bump muna ako sa kanila at niyaya ko na silang pumasok ng bahay.

"Nasaan na daw si Fhara at Drew?" tanong ni Kora, habang kumukuha ng malamig na tubig sa kusina.

"Natraffic daw sa skyway, mas lalo na siguro diyan sa may Sto. Tomas, goodluck nalang, baka buong byahe ay nag-aaway sila ni Drew, hahahaha." Nagtawanan kami dahil sa sinabi ni Tatiana. Kapag nagsama kasi ang dalawang iyon, pihadong magkakaroon ng world 3 at susundan pa ng madaming gyera.

"Maiba tayo, saan gaganapin ang birthday ng anak, este ng ampon mo?" tanong ni Gil na agad kong sinamaan ng tingin.

"Yare, tinamaan na nga po ang Tiyuhin," At nagsimula na naman nga silang asarin ako.

"Pool party nalang tayo," nakangiting suhestiyon ko.

"What? no, wala kong dalang swimsuit," nakangusong sabi ni Kora.

"Okay lang yan, wala namang babakat sayo kaya tama na ang T'shirt sayo," seryosong sabi ni Evans, na halata namang napaka-protective sa girlfriend. Sa aming magkakaibigan, ako na lamang ang natitirang single. May babae kasi akong hinihintay, and I think this is the right time para lumevel-up ang relasyon namin, hindi lamang pagiging Uncle sa kanya. Hindi naman kami magkadugo.

"Bwisit ka talaga, kinakausap kaba?" Nagsimula na naman silang mag-away, parang mga bata.

"Meron akong extra dito, kaso pihadong hindi kasya sayo, hahahaha." natatawang sabi ni Tatiana, kaya mas lalo kaming nagtawanan.

" Ano bang size mo? uutusan kong dumaan si Genieva sa mall," seryosong sabi ko.

"32 A sa bra, sa panty ay medium," nahihiyang sabi niya, ni hindi ko nga alam kung bakit sila nagtawanan.

"Lamasin mo naman nang maigi Evans para lumaki," pang-aasar ni Gil sa lalaki.

"Bibig mo Gil, hindi ako m*****g kagaya mo," Paano kaya kami makakapagsimulang mag-ayos nito kung panay ang bangayan nila.

"Mamaya na kayo mag-asaran, magprepare na muna tayo," seryong sabi ko na agad naman nilang tinanguan.

Bago kami pumunta ng Pool area ay napatigil kami saglit dahil pinakialaman na naman nila ang mga picture na nakalagay sa sala.

"Si Genieva ba ito? Ay kaya naman pala patay na patay ang kaibigan natin, parang diyosa naman ito." napangiti ako dahil sa naging komento nila.

"Ang sexy pare,"

"Pakkkk"

"A-aray naman, nagbibiro lang eh, mas sexy ka parin." nakangusong sabi ni Gil habang sapo-sapo ang kanyang pisngi na sinampal ni Tatiana.

"Huwag mong dalhin dito ang pagiging babaero mo, lunurin kita diyan sa pool eh," masungit na sabi ng babae kaya napailing na lamang ako. Nagtuloy kami sa Pool area, at hinanda na ang mga upuan at lamesa.

May mga dala silang ballons, flowers at kung ano-ano na pang decoration. Para namang magpu-propose ako nito.

Nilagyan namin ng maraming petals ng roses ang pool. Para ngang hindi sila nakakatulong dahil panay ang habulan nila, akala mo'y mga teenager pa, trentahin na naman.

Lumayo muna ako sa kanila, para tawagan si Genieva na wala pang segundo ay sinagot naman kaagad niya.

"Could you get me a swimsuit? I need at least 32 A for the top, and medium for the bottom." nahihiyang sabi ko. Tahimik lamang ang kabilang linya na sa tingin ko ay nagulat rin.

"What? Para kanino?" agarang tanong niya kaya naman ay napasabunot ako sa ulo. Baka kasi isipin niyang may babae ako.

"For my friend, wag kanang magtanong bumili kana lang. May mall kana man sigurong madaanan diyan," mabilis na sabi ko dahil hindi ko na rin alam ang sasabihin, at baka magtanong pa siya nang kung ano-ano.

Tototot.....

Pinatayan niya ako ng tawag, bastos talaga ang batang iyon. Nagkibit-balikat na lamang ako at bumalik na sa mga kaibigan ko na abala sa ginagawa.

" Ready na ba ang mga pagkain natin?" tanong ni Kora habang nagkakabit ng mga lobo, samantalang sila Gil naman ay abala sa pagtatayo ng malaking tent, baka kasi umulan bigla.

"Yeah, pinaayos ko kay Farah, sabi ko ay siya na ang bahala sa pagkain tutal siya naman ang magaling magluto. At mag-iihaw din tayo maya-maya." nakangiting sabi ko na agad naman nilang tinaguan.

Ito ang unang beses na nag-effort ako sa isang babae, hindi rin mawala ang mga ngiti ko sa labi.

Maya-maya pa'y narinig ko na rin mula sa labas ang sasakyan ni Drew. Malakas ang busina nito, paniguradong pati natutulog na kapitbahay ay magigising.

Ako na lamang ang nagpresintang lumabas para salubungin sila. Tama nga ang usapan namin dahil pagbaba palang ni Farah sa sasakyan ay sumasayad na ang nguso nito sa lupa. Busangot na busangot ito na parang naaasiwa sa kanyang kasama.

May dala-dala silang malaliit na megabox na naglalaman ng pagkain at mga karne't isda na iihawin mamaya.

"Ano na namang ginawa mo diyan Drew, at galit na galit yan?" natatawang sabi ko habang tnutulungan siyang magbaba ng mga gamit nila.

"Galit na galit kasi traffic, gusto pa atang paliparin itong kotse. Sana kako ay pinaglayan niya ito ng pakpak," natatawang sabi ng lalaki na sinabayan ko nalang.

"Farah, okay ka lang?" tawag ko sa kanya pero sinamaan niya rin ako ng tingin.

"Mukha ba akong okay, couz? Mukha akong suman sa byahe," naiinis na sumbong nito.

"Hayaan mo na, bawe kana lang mamaya sa inuman. Ngiti kana, at paniguradong aasarin kana naman nila Tatiana kapag nakita kang ganyan," nakangiting sabi ko at mabuti na lamang ay kumalma na siya.

"Nandiyan na sila?" Tumango ako, at sinenyasan ko sila na sumunod na lamang sa akin sa loob ng bahay.