Chapter 14

Bakit nga ba sumusugal parin tayo kahit alam naman natin na mula una hanggang sa huli ay tayo parin ang talo? Natural na siguro sa tao ang maging marupok, ang sumugal sa mga bagay na sarili lang din ang dehado. Katapangan nga bang matatawag ito? Katangahan? O karupukan? Maalin sa tatlo ay hindi ko alam.

Habang naglalakad patungong pamilihan ay hindi na nawala sa isip ko 'yong sinabi sa akin ni Manang Helen. Nagpaulit-ulit ang mga sinabi niya na parang sirang plaka at habang nangyayari iyon ay unti-unti ko nang naiintindihan ang mga salitang binitawan niya.

Patungkol iyon sa akin at kay Sir Gio. Wala siyang alam sa namamagitan sa amin pero may pakiramdam na siya. Ramdam ko iyon. Simula noong nalaman niya ang aksidenteng halik na nangyari sa amin ni Sir Gio ay naging mapagmasid na siya, parang laging nay pag-aalinlangan kapag gagawin ko na ang duty ko sa senyorito nila.

Hindi man halata pero sa totoo lang ay natatakot ako. N