Chapter 8

Masyadong busy ang mga tao ngayon kaya wala kaming ginawa ni Sir Gio sa buong araw kundi ang mag movie marathon. Na-realize ko din na maganda ang katayuan ko dito, hindi na ako masyadong nahihirapan at bukod pa doon, tinupad nga ng mag-asawang Madrial ang magandang pagpapasuweldo sa akin.

Kaya nangako ako sa sarili ko na hindi na ako aalis sa trabahong ito. Dahil bukod sa unti-unti ko na itong nagugustuhan, sa palagay ko ay ayaw ko na din mahiwalay sa kay Sir Gio. Napamahal na kasi siya sa akin, e.

Napamahal. Hayyy...

Hindi ako sumuko sa kakaturo sa kaniya ng ilang baby words. Nakakatuwa nga kasi success namin ang iba, 'yun nga lang mas marami ang failed. Kaya nagdesisyon akong 'wag nalang pilitin muna. Siguro kasi malaki talaga ang naging epekto sa kaniya ng trauma.

"Kawawa ka naman, Sir Gio..." nasabi ko nalang habang pinupunasan ang basa pa niyang buhok.

Nandito ulit kami sa kaniyang kwarto at katatapos ko lang siyang paliguan. Oha. Alagang Alya