Chapter 1

Napairap ako nang makita ko si Josiah na nakangisi habang kumakaway sa akin sa labas ng room ko. Kanina ko pa gustong umuwi dahil kanina pa rin nang-aasar ang kaibigan ko sa labas. Kanina pa sana ang uwian namin kaya lang ay nagpa-make up class ang isa kong subject para hindi na raw kami magklase sa kaniya sa saturday. My gosh! Bakit parang utang na loob pa namin iyon sa kaniya e, siya naman ang hindi pumasok sa amin noong nakaraang araw.

“To those students who have already done with their quiz, you can go now,”

Para akong nabuhayan nang marinig kong sabihin iyon ng prof ko. Dali-dali kong iniligpit ang mga gamit ko sa bag ko at tumayo na para maipasa ang quiz ko kay Sir.

“Thank you Ms. Dela Peña,” sabi ng prof ko pagkatapos ay ngumiti sa akin.

Tipid lang naman akong ngumiti at tumango rito bago ako tuluyang lumabas na ng room. Agad naman akong sinalubong ni Josiah kaya hinagis ko sa kaniya ang hawak kong bag.

“Aray! Dahan-dahan naman!” pagrereklamo niya.

Napangisi naman ako nang tignan kong nabigla nga siyas sa pagkakahagis ko ng baga sa kaniya pero hindi ko na iyon pinansin pa.

“Where’s Clara?” tanong ko sa kaniya at sinimulan ko na ang paglalakad.

“Hindi mo pa ba nababasa ang chat niya?” tanong niya sa akin.

“Itatanong ko ba kung nabasa ko?” pamimilosopong tanong ko sa kaniya.

Napailing na lang siya at hindi na ako sinagot pa dahil may mga kaklase siyang nasalubong namin. Ang iilan sa kanila ay binati ako pero tango lang ang iginawad ko nang hindi rin sila tinitignan. Mabuti na lang ay nasa bulsa ko ang cellphone ko para babsahin ang sinasbing chat ni Clara.

From Clara:

I have to go home early. I need to check my dress na gagamitin ko sa party this weekend.

Napairap ako nang mabasa ang chat ni Clara at napailing na lang. Nauna naman na akong naglakad kay Josiah nang marinig kong tapos na siyang makipag-usap sa mga kaklase niya.

“Hindi pa rin ako makapaniwala kay Clara na dadalo siya sa party na ‘yon this weekend. Dati naman ay hindi siya mahilig sa gano’n,” pagrereklamong sabi ko habang naglalakad sa corridor.

“Paano naman kasing hindi dadalo ‘yon eh nalaman niyang pupunta ang ultimate crush niyang si Elijah,” sagot naman sa akin ni Josiah.

“Alam kong pupunta rin kayo kaya sasama na rin ako kila Daddy,” dagdag na sabi pa niya sa akin.

Napabuntonghininga na lang ako at napairap muli dahil sa reason nang pagpunta ni Clara roon. May social gathering ang mga businessman at businesswoman sa darating na sabado. Alam kong sa mga ganito ay hindi nahuhuli ang pamilya ko kaya sigurado akong pupunta rin kaming lahat doon.

“Oh come on. Alam ko rin naman ang dahilan kung bakit ka sasama sa Daddy mo. Parehas na parehas talaga kayo ni Clara,” sagot ko naman sa kaniya pagkatapos ay napairap akong muli.

Natawa naman si Josiah kaya napailing na lang ako. May gusto siya sa kapatid kong si Stella at hinahayaan ko lang naman siyang magkagusto dahil mas gugustuhin ko siya para sa kapatid ko kaysa naman sa ibang lalaki. At least, si Josiah ay kilala ko mula pa noong pagkabata ko.

“Kaya nga dapat ay pumunta ka rin para naman kompleto tayong tatlo nila Clara,” pagkukumbinsi na sabi sa akin ni Josiah.

“Pag-iisipan ko muna. Alam mo namang ayaw ko sa mga gan’yan lalo na kapag kasama sila Mommy,” sagot ko naman pagkatapos ay bahagya akong napayuko.

“Don’t worry. Kaya nga naroon kami ni Clara ‘di ba? ‘Wag mo na lang masyadong intindihin ang Mommy mo. All you need to do is to enjoy,” sagot naman sa akin ni Josiah para pagaanin ang loob ko.

“Eli!”

Hindi naman na ako nakapagsalita pa nang marinig ko ang boses ni Ate Allison na tumatawag sa akin hindi kalayuan sa aming dalawa ni Josiah.

“Ang ganda talaga ni Allison pero mas maganda pa rin si Stella,” bulong naman na sabi ni Josiah.

Hindi ko na lang pinansin ang sinabi ng kaibigan dahil mas nag-focus ako sa nakakatandang kapatid na tumawag sa akin. Kasama nito ang mga kaibigan niya. Fourth year college si Ate Allison at ako naman ay second year college pa lang kaya nasa iisang University kaming dalawa.

Sumenyas sa akin si Ate na lumapit ako sa kaniya kaya bahagya akong lumingon kay Josiah para samahan niya ako roon at agad din naman itong sumunod sa akin. Muntikan pa akong mapaatras nang makita ko si Jackson na sumulpot sa grupo nila Ate pero mas pinili kong magpatuloy.

Jackson is my ex. Tumagal kami nang isang tao at apat na buwan na ang nakakalipas simula nang maghiwalay kami dahil sa dahilan niyang gusto niyang mag-focus sa pag-aaral niya dahil graduating na siya. Nang pumayag akong makipaghiwalay sa kaniya dahil tingin ko naman ay makabubuti iyon sa kaniya ay hindi ko aakalain na pagkalaipas ng dalawang buwan ay sila na ng babaeng pinagseselosan ko noon.

“Why?” tanong ko kay Ate nang tuluyan akong makalapit sa kaniya.

“Pakisabi kay Mommy na gagabihin ako ng uwi ngayon. Birthday kasi ni Keila ngayon,” sabi sa akin ni Ate pagkatapos ay napatingin sa kaibigan niyang si Keila.

“Oh! Sure! Happy Birthday, Keila!” bati ko pagkatapos ay tumingin dito.

“Thank you, Scarlet! Invited ka rin sa house namin. Punta ka!” nakangiting pasasalamat naman nito sa akin.

Natawa naman ako at napailing dahil biglang nahiya. Close kaming magkakapatid kaya pati mga kaibigan nila ay nagiging kaibigan ko na rin pero dahil wala naman ako sa mood sa mga party ngayon lalo na at mukhang naroon ang ex ko at ang bago niya kaya mas lalong ayokong dumalo.

“Thank you, Keila but I can’t eh. May mga projects pa kasi akong kailangan tapusin. Babawi na lang ako next time,” sagot ko naman para makapagdahilan.

“Is that your thesis?”

Bahagya naman akong nagulat nang tanungin ako ni Jackson. Sa apat na buwan ay ngayon niya lang ako ulit kinausap nang ganito. Galit ako sa kaniya pero ayaw kong ipahalata iyon sa kaniya dahil ayaw kong makita pa nila na affected pa rin ako kahit totoo naman.

“No,” malamig na sagot ko pagkatapos ay napatingin kay Ate, “I’ll have to go. Sasabihin ko na lang kay Mommy ang bilin mo pero tumawag ka pa rin sa kaniya,” dagdag na sabi ko pagkatapos ay tuluyan na akong umalis doon.

Hindi ko alam ang mga sumunod pang nangyari sa mga nakaraang araw. Basta ay nagpatuloy lang ako sa pagpasok at pakikipag-participate sa klase. Nasabi ko rin kay Mommy ang hindi pag-uwi nang maaga ni Ate at sobrang late nga itong nakauwi kaya napagalitan pa siya

“Girls are you ready?” tanong ni Mommy nang makababa siya mula sa itaas ng bahay namin.

Kanina pa kami nakatambay rito sa sala kasama ang dalawa kong kapatid. Ate Allison is busy with her iPad while Stella is busy watching kdrama on our TV. Wala naman akong hilig mag-phone kaya naman nakikinood na lang ako kay Stella para hindi ako mainip. Weekend ngayon at hindi ko alam kay Mommy kung bakit hindi siya pumasok sa kompanya lalo na at sanay na sanay na kaming lagi siyang babad sa trabaho sa kompanya namin. Ang sabi niya lang ay gusto niya kaming maka-bonding ngayong araw dahil matagal-tagal na raw namin hindi iyon nagagawa simula nang mamatay si Daddy.

“Yes, Mom. Kanina pa ako ready. Magtatagal ba tayo?” sagot at tanong naman ni Ate Allison.

Napatingin naman ako kay Mommy na bihis na bihis at kita ko ang pagbuntonghininga niya at pag-iling dahil sa tanong sa kaniya ni Ate.

“Of course, magtatagal tayo. Bakit may lakad ka na naman ba Allison?” tanong naman ni Mommy pabalik kay Ate pagkatapos ay tumaas pa ang isang kilay nito.

Napabuntonghininga rin naman si Ate at bahagyang umiling at ngumiti bago muling nagsalita.

“Wala naman, Mom. I just want to rest the whole day. Alam niyo namang busy na ako sa school dahil graduating,” sagot naman ni Ate.

“Kaya ko nga kayo ilalabas ngayon. I know you guys are tired because of school but I’m here right now to treat you all,” sagot ni Mommy pagkatapos ay napairap.

“Mags-shopping tayo today. Buy all you want!” excited na sabi pa ni Mommy.

“Oh! I’m sure may kapalit ‘to, Mom. Come on tell us,” sabi ko naman dahil kilala ko si Mommy.

Natawa naman si Mommy pagkatapos ay naupo sa tabi ko kaya napanguso ako.

“Kilalang-kilala mo talaga ako, Scarlet!” natatawang sabi ni Mommy sa akin.

“Kung ano man ‘yan. Pwede bang hindi na lang ako sumama?” tanong ko.

Alam ko na ang kapalit nito. Dadalo kami sa social gathering na sinasabi nila Clara at Josiah at ayaw kong pumunta roon. Kapag kasi ganoon ay kung kani-kanino kami pinapakilala ni Mommy at nags-set pa siya ng date para sa amin at sa mga anak ng business partner niya. I’m so seek of it! Ayaw ko nang maulit dahil nasasayang lang ang oras ko.

“No. You guys should come with me there. May award ako bilang isang magaling na leader ng kompanya at ayaw kong tanggapin ‘yon nang hindi tayo kompleto roon,” paliwanag kaagad sa akin ni Mommy.

“Sa social gathering? Sure! I’m gonna come, Mom! I know it will be fun because some of my friends are also coming!” excited din naman na sabi ni Ate kaya napairap ako.

“I have no objection for that. Wala rin naman akong magagawa kaya sasama na lang din ako,” sagot naman ni Stella.

Napahugot na lang ako nang malalim na hininga at napailing dahil sila lang naman ang mahilig sa mga ganito. Wala lang din akong choice dahil kapag sinabi ni Mommy ay hindi kana pwedeng kumontra roon.

“I promise. I will let you enjoy the party. Hindi na kita ipapakilala sa mga anak ng business partners ko,” sabi ni Mommy para lang makumbinsi ako.

Wala na nga akong ibang nagawa pa kung hindi mag-oo na lang kay Mommy. Sa maghapon din na iyon ay nag-shopping kami ng mga damit at kung ano-ano pa. Nagpa-spa rin kaming apat para ma-relax daw kami. Sumunod na lang ako sa kanila at na-enjoy ko rin naman kahit papaano ang lakad namin. Hindi ko rin alam na bukas na rin pala ang party kaya naman nang gabi ay nagkulong na lang ako sa kwarto ko para makatulog.

Kinabukasan ay naging abala sa bahay dahil nagpatawag pa ng make up artist at stylist si Mommy para sa aming tatlo nila Ate at Stella. Ang dami ko ring texts at chat na natanggap mula kay Clara at Josiah kagabi pa pero hindi ko na sila nireply-an. Magkikita rin naman kami sa party. Hindi ko na lang din sasabihin sa kanila ang pagdalo ko para ma-surprise na lang silang dalawa kapag nakita nila akong naroon.