Dali-dali akong bumaba mula sa kwarto kahit magulo pa ang buhok. Nag-iiwan ng ingay ang bawat hakbang ko sa hagdan dahil mabibigat iyon.
Nilagpasan ko si Nanay na kasalukuyang naghahanda ng almusal. Ang sabi ni Ma'am Navi ay pare-parehong nasa bakasyon ang maids nila at dalawang hardinero. Sakto rin namang nangyari iyon sa farm at napalipat kami rito nang wala sa oras. Kahit papaano'y makatutulong kami sa mga gawaing bahay, wala mang sabihin ang mga Clausen.
Narinig ko pa ang tanong ni Nanay kung bakit ako nagmamadali pero hindi ko na iyon nagawang sagutin.
Dumiretso ako sala at agad tiningnan ang bilog na mesa pero wala na roon ang sketchpad ko. Sigurado akong dito ko iyon naiwan kahapon!
Bumalik ako sa kusina.
“Nay? Yung sketchpad ko?”
“Jusko kang bata ka. Sketchpad agad hinahanap mo, eh tingnan mo nga 'yang hitsura mo.”
“Naiwan ko po kasi iyon kahapon sa sala. Wala na po roon,” nag-aalalang sabi ko.
“Aba, eh maaga akong gumising ngayon. Wala rin akong nakitang sketchpad doon.”
Nagugutom ako sa amoy pa lang ng mga niluto ni Nanay pero hindi ko magawang matakam. Kailangan kong mahanap ang sketchpad ko! Hindi ko pa rin iyon nagugupit. Dadaanan iyon ni Ruan mamaya!
Nagpabalik-balik ako sa sala. Nilibot ko na rin iyon, tiningnan ang bawat ilalim at lalagyan na puwedeng mapagpatungan pero bigo akong mahanap. Umagang-umaga, pinagpapawisan ako!
Natigil lang ako nang makita si Daimler. Kung anong ibinilis ng pagbaba ko kanina sa hagdan, siya namang pagbagal ng kaniya. Tamad na tamad siyang humahakbang pababa. Medyo magulo rin ang buhok at nakakunot ang noo. Hindi yata maganda ang gising ng isang 'to.
Hindi niya ako napansin. Dumiretso siya sa kusina. Lumapit ako nang kaunti roon.
Humikab pa siya nang tuluyang makalapit sa mesa. Walang ganang umupo at matamlay na kumuha ng pagkain.
“Morning,” kahit papaano'y binati niya si Nanay.
“Magandang umaga, hijo. Hindi mo na ba hihintayin si Madeley?” Ipinagsalin siya ni Nanay ng tubig sa baso at inilagay iyon sa gilid niya.
“She can handle herself,” balewalang saad niya at nilantakan na ang pagkain.
“Siya nga pala, ibinilin ni Sir Ridley na umattend ka sa photo shoot ng kapatid mo mamaya. Hindi raw kasi makakapunta roon ang mama mo.”
Wala na pala ang mag-asawa kung ganoon? Ang agad nilang umalis.
Daimler groaned. “Seriously, I can't do that. That's so girly,” nakangiwing reklamo niya.
Bahagyang natawa si Nanay. “Pero iyon ang ibinilin ng papa mo.”
“Tell Dad I'm not going.”
“Oh siya, sige. Sasabihin ko. Kumain ka muna riyan at magpakabusog.”
Tyempong lumabas si Nanay ay agad akong nakiupo sa hapag-kainan pero hindi ako nag-abalang kumain.
Ilang segundo rin ang dumaan sa pagitan namin ni Daimler pero wala pa rin akong nasasabi! Nagmukha tuloy akong tuod sa harap niya!
“Why? Don't stare,” suplado niyang puna.
Saka lang ako nagkaroon ng lakas ng loob na magtanong. “N-nakita mo ba yung sketchpad ko? Naiwan ko kasi sa sala kahapon. Ngayon ko lang ulit naalala pero nung i-check ko, wala na roon.”
Kunot-noo niyang tinapos ang kinakain at pagkatapos ay uminom ng tubig.
“So, that's yours, huh...”
Namilog ang mga mata ko. “Hala! Nakita mo? Saan mo nilagay?”
“You're wrong. I didn't even touch it.”
Muli siyang naglagay ng ilang slices ng bacon sa kaniyang plato sabay dampot ng sandwich.
“P-pero, nasaan na 'yon? Hindi ko na kasi mahanap, eh.”
Hindi siya tumitingin sa akin. Abalang-abala siya sa pagkain na para bang sarap na sarap siya sa bacon at sandwich.
“Ask Russel about it. I saw him checking your sketchpad yesterday night.”
Napipi ako sa sinabi niya.
Russel.
Si Russel na naman. Sa halip na ganahan dahil alam ko na kung sinong mapagtatanungan ng nawawala kong sketchpad ay biglang umurong ang kagustuhan kong makuha iyon.
Napabuntong-hininga ako. Iyon pa lang ang pagkakataong nakuha ko ang atensyon ni Daimler.
Mangha siyang nakatingin sa akin habang nginunguya ang pagkain. Sumandal siya sa upuan at humalukipkip.
“What's with you and Russel, by the way?”
Lalo akong napako sa diretsahang tanong niya, hinalukay ang isip para sa magandang isasagot doon kahit alam kong wala.
Wala naman kasing kung ano sa amin ni Russel. Sa akin lang... Ako lang yung may problema.
“W-wala naman.”
Hindi na siya sumagot pero hindi ibig sabihin no'n na kumportable ako sa pananahimik niya. Alam kong marami na siyang napapansin. Siguro ay dahil lalaki rin siya at ramdam niya kung may gusto ang isang babae sa kanila? At isa pa'y may conclusion na siya noong una pa lang. Paano pa ako makatatanggi?
Inokupa ng platong puno ng pagkain ang mesang tinititigan ko. Dahil sa lalim ng iniisip ko'y ni hindi ko napansing ikinuha na niya ako ng pagkain.
Mas inilapit pa iyon ni Daimler sa akin nang mabalik ako sa wisyo.
“Eat. You look pale,” seryosong saad niya at ipinagpatuloy ang kaniya.
Tipid akong ngumiti. Buti ka pa, Daimler... Isip ko.
Magwelga man ang loob ko, sa huli ay wala pa rin akong choice.
Ito ang pangatlong beses na tatawagan ko si Russel. Good thing, madaling kausap si Daimler at agad nitong ibinigay sa akin ang numero ng kuya niya.
Sa unang mga tawag ay walang sumagot. Pinatagal ko pa ng ilang segundo ang tawag bago muling patayin. Baka naman busy siya o naka-silent ang cellphone niya? But sure he's busy. Nasa trabaho siya kaya hindi na dapat ako nagtataka. Kalakip ng buntong-hininga ay hinayaan ko munang mamatay ang screen ng cellphone ko.
Gamit ang kamay ay sinuklay ko ang aking buhok. Sumasayaw ang ilang hibla nito sa hangin at ang ilan ay tumatabon sa mga mata ko. Tanaw ko mula rito sa veranda ang malawak na farm. Bigla akong nangulila. Parang gusto kong bumalik doon ngayon at doon na lang ulit manirahan. Ngunit dahil nga sa nangyari ay tumamlay na ang hitsura ng farm. Noong naroon pa kami, buhay na buhay ito dahil sa iba't ibang tanim, karamihan ay nagmumula sa mga masasaganang bunga ang iba't ibang kulay. May naaaninag akong mga bulto ng tao sa sentro, gumagalaw ang mga iyon. Marahil ay ilang farmers. Kumusta naman kaya si Tiyo Banny? Yung mga kasamahan namin na napalipat din? Yung perang kailangang bayaran? Hindi ko mapigilang mag-alala. Wala kaming maipambabayad doon.
Nagitla ako sa biglang pagtunog ng cellphone ko. Sa isang iglap ay nilukob ako ng kaba. Ilang segundo ko munang tinitigan iyon, tila nag-iisip pa kung sasagutin o hindi. Pero dahil sa sketchpad ko ay kailangan ko 'tong gawin, gaano man kahirap.
“H-hello...”
Walang sumagot sa kabilang linya. Tanging ang malalalim na paghinga lang ang naririnig ko. May kaunting tunog din ng pagtipa pero hindi ko na gaanong marinig.
“H-hello?” ulit ko, hindi ko maipagkakailang may halong excitement iyon.
Napaungol ako nang makagat ang labi ko sa hindi malamang dahilan!
Ganito pala yung walang gana, Alliyah?
“Are you okay?” maagap na tugon ni Russel sa kabila.
Pakiramdam ko'y hinaplos ako ng boses niya.
"A-ayos lang...”
Hindi na ulit siya nagsalita. Napapikit ako. I need to do this!
“R-Russel...” marahang tawag ko sa kaniya.
Ang isiping naiistorbo ko siya ngayon sa kaniyang trabaho ay isa nang malaking kahihiyan para sa akin. Kailangan kong madaliin ito.
“Uhm?”
Humugot ako ng lakas sa sariwang hanging nalalanghap ko.
“K-kanina pa kasi ako tumatawag. M-may itatanong lang sana ako.”
“I'm sorry...”
Napalunok ako, tila bumara sa lalamunan ko ang biglang paghingi niya ng tawad. Taksil ang puso ko... palagi na lang itong nang-aagaw ng puwang sa mga bagay na walang kinalaman sa kaniya. Umaasang kalakip ng mga salitang iyon ang mga bagay na nararamdaman ko. Yung sakit, inggit, panghihinayang. Yung mga pagkakataong palihim akong nasasaktan dahil sa kaniya. How I wish that he says sorry for all the hurt. Sana nga ay ganoon na lang. Kaso alam ko rin namang hindi at imposible iyon. Alam kong... nagsosorry lang siya dahil ilang beses niyang na-miss ang calls ko.
“Ang sabi kasi ni Daimler ay nakita ka niyang hawak ang sketchpad ko kagabi. Itatanong ko lang sana kung... saan mo nilagay pagkatapos no'n... H-hindi ko kasi mahanap.”
Narinig ko ang pagpapakawala niya ng malalim na paghinga. Sa mumunting kaluskos ay naiimagine kong may ginagawa nga siya ngayon.
“Nasa kwarto ko.”
Pinigilan kong mapasinghap. Unti-unting lumilinaw sa imahinasyon ko kung paano niya iyon dinala sa kwarto niya. Tuloy ay may malikot na parte ng isip ko ang tumawag sa akin. Bakit naman niya ginawa iyon? Ano kaya ang pakiramdam kung ako iyong isinama niya sa kwarto imbes na sketchpad ko?
Geez! Kukurutin ko na talaga ang sarili ko.
“B-bukas ba ang kwarto mo? Puwede ko bang kunin doon?”
“Yeah... sure.”
Sa pagpayag niya ay wala na akong sinayang na sandali. Imbes na mag-ikot at suyurin ang mansion ay mas pinili kong magtanong kay Daimler. Bawas hassle na rin kaysa mahuli ako ni Nanay o ni Madeley.
Sinuwerte ako dahil naabutan ko pa si Daimler sa garahe, naghahanda na sa pag-alis.
Lumingon siya sa akin. Nailagay ko ang daliri ko sa aking labi dahil sa tensyong nararamdaman.
“Paalis ka na?” tinanong ko pa rin kahit obvious naman iyon.
Tumango siya.
“A-ano... I need your help.”
Nag-iinit ang buong mukha ko habang unti-unting lumapad ang ngisi niya matapos kong sabihin ang kailangan ko.
“Upgraded, huh. From digits to personal room.”
Napasinghap ako. Ito na ulit yung Daimler na mapang-asar! Wala na yung supladong Daimler na nakausap ko kanina.
“H-hindi ganoon! Kukunin ko lang yung sketchpad ko!” dispensa ko bago pa mas lumawak ang kung ano mang iniisip niya.
Knowing him, he's also a naughty boy for sure!
Nagkibit-balikat siya, binalewala yung sinabi ko pero naroon pa rin ang multo ng ngiti. “Nasa dulo ang kwarto niya, sa second floor. Isolated 'yon kaya madali mong makikita.”
Bagama't walang katao-tao sa 2nd floor ay sumasabay sa mabibilis kong hakbang ang tibok ng puso ko. Bawat pintig nito'y katumbas ng samu't saring pakiramdam. Palaging ganito. Hihintayin ko na lang ang panahong magbabago ito, siguro sa panahong iyon ay hindi na rin ako ganito kahina. I know how a woman should act. But unfortunately, I can't. Kasi sa ngayon, pinangungunahan ako ng sariling katawan. Ngunit paano nga ba kung dumating ang araw na wala na akong pakialam? Hindi ko rin alam.
Nagawa kong pagmasdan ang mansion kahit palingon-lingon ako, takot na baka mahuli ng kung sino. Gawa sa marmol ang sahig. Ang barandilyang pumapalibot sa aking dinaraanan ay nakakonekta sa magarbong hagdan. May nagkalat na chandeliers sa bawat sulok ngunit maliliit lang iyon, hindi kagaya ng nasa sentro, sa 1st floor na siyang pinakamalaki sa lahat at nagmistulang hari na sinusundan ng mga kawal.
Nawaglit ang konsentrasyon ko dahil narating ko na ang silid na siya ngang nag-iisa sa dulo. Bumalik na naman ang bolta-boltaheng kumakalat sa buong sistema ko, kahit ang seradura pa lang nito ang nakikita ko.
Nakagat ko ang labi ko habang papalapit doon. Ganap na akong nasa harap at pinasadahan ko ng tingin ang pinto pataas.
Napagtanto kong narito na ako sa kwarto niya, pinayagan niya akong pumasok kaya malaya akong makita ang lahat ng puwede kong makita.
Nangiti ako, iniisip sa kabila ng lahat, kung gaano ako kasuwerte.
Ang bawat sandali ng paglalakad ko sa mahabang carpet ay iginuguhit ko na sa aking isipan. Kung anong mayroon ngayong araw, naipaliwanag iyon ng mga malalabong imaheng nadaraanan ko. Bakas ang mga ngiting agad ring nagiging malabo sa paningin ko, ang bawat isa'y tumatango na tila masayang-masaya para sa akin. Hawak ang gilid ng aking saya habang nakatapat sa dibdib ang bungkos ng bulaklak sa isa kong kamay, nagpapadala lang ako sa kakaibang pakiramdam na ito. Kulang ang isang libong salita para makumpleto ko ang munting sandali.At sa oras na iyon, kung saan ang matagal ko nang pangarap ay naghihintay sa akin, naroon din ang lalaking ang mga mata'y sa akin nakapako. Tumulo ang luha ko nang ilahad niya sa akin ang kaniyang kamay, nakangiti kong hinawakan iyon. Ngunit kasabay ng paglalapit namin ay ang biglang pag-alon ng imaheng niya, naputol ang aking panaginip.Sinalubong ng kisame ang mulat na mulat kong mga mata.
Habang nasa biyahe ay tumawag si Nanay, nagtanong kung nasaan ako. Nasapo ko ang aking noo. Nakalimutan kong magpaalam! Humaplos ang kamay ni Russel sa aking kamay kung saan hawak ko ang cellphone. Without asking my permission, marahan niya iyong kinuha mula sa akin. Wala na rin akong nagawa, ipinaubaya ko sa kaniya iyon. “Don't worry, Tita. She's with me.” Umalon ang sasakyan dahil sa bako-bakong daan. Narating na namin ang lupaing nakakonekta sa farm. Isa itong mahabang papasok kung saan madaraanan ang napakalawak na palibot ng farm. Inasahan ko nang walang katao-tao roon. “Alright. I'll take care of her.” Ibinalik sa akin ni Russel ang cellphone ko. Ibinaba na rin ni Nanay ang linya bago ko pa iyon muling maidikit sa tenga ko. “Anong sabi?” Sinipat ko ang mga mata niya pero tanging ang isa lang ang nakikita ko dahil naka-s
Sa huli, ipinagpasalamat kong nakalayo ako kay Russel ngunit imbes na yakap at tuwa ang maabutan ko, ang umiiyak na si Venus ang nadatnan ko sa likod ng bahay nila. Nakapanghihinayang na hindi pala ako makakapagkuwento sa kaniya ngayon.“Nag-away kami ni Daimler.” Bakas na bakas ang lungkot sa mukha niya.Speaking of Daimler, oo nga pala. Ganoon yata talaga kabilis ang oras. Parang kahapon lang, sinabi niya sa akin na crush niya si Daimler tapos umabot na agad sila sa awayan!“Kailan?” Ang unang pumasok sa isip ko.“K-kanina lang. Nagtalo kami. Tinawagan ko siya. Nakiusap kasi ako na baka puwedeng... 'wag nilang ipakulong si Tiyo Banny.”I sighed. Of course, kahit ako, gusto kong makiusap kay Russel pero alam kong magiging abusado na kami kung gagawin ko 'yon. Kami na nga yung nakapinsala, kami pa yung hihingi ng pabor
Sa ilang araw kong pananatili sa hospital ay nagkaroon kami ng oras ni Venus para pag-usapan ang mga nangyari. Mula sa pag-alis namin sa farm, unang encounter niya kay Daimler, hanggang sa pagtakas ni Tiyo Banny. Wala akong pinalampas na detalye.“Ginawa mo talaga 'yon?” manghang sabi ko.Ano kayang naging reaksyon nung guwardiya nang hingiin niya ang number ni Daimler?“Oo nga! I was so eager to talk to him. Ilang beses akong sumubok na lapitan siya but he kept ignoring me! Kaya naman sa guard na ako lumapit...”“Buti ibinigay nung guard?”“Psh. Hindi naman na raw bago 'yon. Marami talagang nanghihingi sa kaniya ng number ni Daimler!”“Oh, affected ka naman?” pabiro ko siyang tinaasan ng kilay.“H-hindi!”I chuckled.
Alright. I am really nothing compared to this goddess woman. Gaya ni Russel, kahit siguro saang bagay siya itapat ay magmumukha siyang modelo.Napalunok ako, pinag-iisipan pa kung ituturo ko sa kaniya o hindi. Kasabay no'n ang pagtataka kung bakit hindi niya alam kung saan ang kwarto ni Russel. Minsan lang siguro siya magawi rito. At teka, akala ko ba magkasama na sila sa isang bubong? Napagtanto kong mas madalas pa rin umuwi si Russel dito.Nilagpasan niya ako. Dumiretso siya sa paanan ng hagdan. Swabeng isinampay ang makinis niyang kamay sa barandilya. “Where? Hurry up!”Nataranta ako. Ngunit bago pa ako magpatiuna sa kaniya ay sumulpot si Madeley sa taas. Nakahalukipkip ito habang mabagal na humahakbang pababa.“Kuya Russel is still sleeping,” walang ganang wika niya.“It doesn't matter, sweety. I'm your brother's w
“Marunong ka bang maglagay nito?” I awkwardly showed him the band-aid, cotton and bandage.Ang ngisi niya ay napalitan ng maaliwalas na mukha. Iyong concern na madalas kong makita sa kaniya. “Oh, sure. Bakit ngayon mo lang sinabi?”Sa tuwa ay nginitian ko siya. Down to Earth talaga ang lalaking ito!Pumuwesto ako nang maayos sa harap niya para matapos na rin ito at makabalik na ako sa loob.“Hindi ka nagdala ng alcohol,” aniya. Maingat niyang itinapal ang bulak at sunod na inilagay ang band-aid.“A-ayoko no'n. Naligo naman ako kaya malinis na 'yan.”He chuckled. “Ang sabihin mo, takot ka sa alcohol.”He's right. I almost lost my consciousness those times that the nurse was cleaning my wounds.“M-may dugo pa ba?” s
“Aakyat na ako. May gagawin ka pa ba rito?” I asked.He looked at me with the same dark expression which I really can't understand. “Akala ko ba... hindi mo boyfriend si Ruan?”Nagulat ako. Ang sagot ko'y nauwi sa paglunok.“Tell me,” muling anas niya.Napasandal ako sa lababo nang magkaharap kami.“H-hindi nga. Hindi ko siya boyfriend.” His presence intimidates me so much that I need to compose myself from time to time.“Really? I saw you flirting with him,” nanunuya niyang saad.Pinanliitan ko siya ng mata para ipakita ang inis ko. “At ano naman sa 'yo?”The next moment, he looked problematic. Nakapamaywang siyang tumingala, bumuntong-hininga at pagkatapos ay itinuon ang kunot-noong reaksyon sa akin. “Alright. I should stay out
Napansin yata ni Russel na panay ang buntong-hininga ko sa tabi niya, he looked at me worriedly. Nalagpasan na namin ang naglalakihang buildings, bagay na mas nakapagpakaba sa akin. Tumigil ang sasakyan sa tapat ng matayog na gusali. Agad kong nabasa ang nakatatak na CMC sa mahabang pader.Malaki ang ngiti ng guwardiya nang makita si Russel at pagkatapos ay bahagyang nabawasan iyon nang bumaling siya sa akin. Tinanguan lang siya ni Russel nang batiin niya ito.Kung kanina'y wala akong ideya sa hitsura ng CMC, ngayon nama'y tila nalulunod ako sa ganda, lawak at elegante nito. Ginapangan ako ng hiya nang makita kung gaano rin kagaganda yung staff. They're all wearing heels and sexy skirts!Labis ang pagkailang ko habang nilalabanan ang mga tingin nila. May mga babaeng halatang-halata ang tuwa at paghanga sa lalaking kasama ko. Napapaiwas ako ng tingin sa tuwing sinusuri nila ako. Nagmistula akong batang hindi s