CHAPTER THIRTY-FOUR

NASA LOOB AKO NG opisina ni Luke ngayon. Halos dito na ako namalagi araw-araw at wala namang problema si Luke doon. Para na nya na nga akong empleyado. Iyong ibang empleyado naman ay pamilyar na rin sa akin.

Nasa sofa ako ngayon, nakaharap sa laptop. Tinitignan ko ang ibang disenyo ng damit na ginawa ko. Hindi ko naisip na mag design ng damit pero sabi ni Kate, subukan ko daw. Nagpapatulong sya sa akin dahil gusto nyang mag bukas ng clothing line. Mahilig sya sa pag design ng damit at nagpapatulong sya sa akin.

Mag-isa lang ako dito sa opisina dahil may meeting si Luke. Nagtaas ako nang tingin sa pinto nang may kumatok doon. Napatayo ako sa aking kinauupuan nang bumukas ang pinto at iniluwa doon ang isang lalaking medyo may edad na. May kasama itong dalawang lalaki.

Kinabahan ako dahil hindi ko naman sila kilala pero mukhang mayaman ang lalaki dahil sa pananamit nito at mukhang bodyguard pa nito ang kasamang lalaki.

Iginala nito ang tingin sa buong opisina hanggang sa tumigil iyon