20

Habang nasa biyahe, hindi nagsalita si Nanay at ang dalawa kong kapatid na nasa likod. Pansin ko naman sila na tumitingin sa akin kahit hindi ako nakatingin sa kanila at alam kong gusto nilang magtanong sa akin. Umalis agad ako pagkatapos naming mag-usap ni Diego kanina, hindi niya rin naman ako hinabol at mabuti na rin iyon.

Nang makarating kami sa bahay, tahimik pa rin silang tatlo. Tinulongan ko si Nanay na ayusin ang pwesto ni Tatay sa living room.

“Sweetie?” Huminto ako at bumaling kay Nanay, umiwas siya ng tingin. “Kumusta ka? Gusto mo bang mag-usap tayo?” mahinang tanong niya. Ngumiti ako ng tipid at lumapit sa kanya pagkatapos kong ayusin si Tatay sa living room.

“Mom, I am fine. Ako na po magluluto ng hapunan, ano bang gusto ninyo?” tanong ko. Lumapit ang dalawang kapatid sa akin at nagulat akong may ibinigay sila sa akin sabay na cell phones. “Ano ito? Saan ninyo nakuha ang mga ito?” Nakakunot noo kong tanong.

“Ibabalik na namin kay brother Diego. Binigay niya ito sa ami