CHAPTER 4: GIRLFRIENDS

Bella's POV

Pabagsak na inihiga ko ang aking sarili sa kama. Napagod  ako sa nangyari kanina, mukhang bukas ay hindi na ako susuwertihin. Bakit ko nga ba pinatulan ang mga iyon? Marahas na napabuntong hininga na lamang ako. Alas diyes pasado na ng gabi at ngayon lang ako nakauwi.

Tumayo ako para mag-shower, tinanggal ko ang aking bra at sumulyap sa salamin ng tokador. May isang bagay na kumuha ng atensyon ko. Humakbang ako palapit sa salamin at muling tinitigan ang kanang braso ko.

Banayad kong hinaplos ang aking Black Butterly na tattoo. Naaalala ko ang Japan sa tuwing tinititigan ko ito. Pumasok na ako sa banyo at nag-shower.

After ten years, bumalik ako sa motherland ko para pagbigyan ang hiling ni Mommy. Nakakalungkot isipin na hindi ko na makakasama ang mga katropa ko lalo na ang mga best friends ko na sina Taki, Kuya Rei, Natsume, Empress, at Ryuuji. Wala nang gulo, away, asaran, at motorbike showdown akong masasaksihan pero nakapag-decide na rin kasi ako na babaguhin ko ang aking sarili para maranasan ko naman ang maging ordinaryong babae.

Pero may isang problema. Paano ako magbabagong buhay kung may devil sa eskuwelahan? Paano ko matitiis ang mga pambubully niya sa kapwa kong  estudyante? Mananahimik na lamang ba ako? Hindi ko talaga kayang sikmurahin ang ganoong bagay.

Nang makalabas ako ng shower room ay agad akong nagpalit ng aking pantulog. Napaisip na naman ako, sigurado akong hindi ako titigilan ng lalaking iyon. Napailing na lamang ako. Kailangan ko nang matulog.

Kinabukasan sa Red Dragon University

Inaantok na naglalakad ako patungo sa classroom. Nasa likod ako ng school dumaan para iwas sa gulo.

"Bella Uy."

Napabuga ako ng malakas na marinig ko ang pagtawag sa aking pangalan. Nilingon ko sila at nakit ko ang dalawang lalaki na mukhang naghahanap ng gulo. "Who are you, people?" walang ganang tanong ko sa kanila.

"How dare you para kalabanin mo ang leader ng Black Dragon Gang!" maangas niyang sabi.

Napataas ang aking kilay. "Ahhh...you're one of them," tumatango-tangong sambit ko sa kanya.

"Prepare yourself to die!" Napahinto ako saglit. Hindi ko alam na may isa pa palang lalaking nakaabang sa likuran ko.

Walang anu-ano'y sabay na sumugod ang dalawang lalaki. Nagising bigla ang aking diwa. Sh*t! No choice! Mabilis na iniwasan ko sila pero ang dalawa ay wala talagang balak tumigil. Tinignan ko ang dalawa na parehong nasa opposite side ko. Talaga naman ay wala akong takas. Napadiretso ako ng tayo at hinintay silang sumugod na sabay. Ilang pulgada na lang ang pagitan ay mabilis na umatras ako at dahil doon ay sila ang nagkasuntukan.

Tumba ang dalawa. Napailing na lang ako sa nagyari. Mahirap talaga kapag sugod nang sugod. Mukhang kailangan kong mag-ingat ngayon. Nararamdaman ko na hindi lamang ito ang ma-e-encounter ko.

Tumingin ako sa paligid, nagpasalamat ako at walang taong nakakita sa ginawa ko. Nakahinga ako ng maluwag at nagpatuloy sa paglalakad. Bigla kong naalala ang oras. Mabilis kong tinignan ang wristwatch ko and sh*t, male-late na naman ako! Dali-dali akong tumakbo patungo sa una kong subject. Hingal na hingal akong nakarating sa classroom. Nagpapasalamat ako na wala pa ang prof namin. Pagpasok ko, lahat ng classmates ko ay nakatingin sa akin, may mali ba sa itsura ko? Ang mga lalaki ay nakangisi samantalang ang mga babae naman ay inirapan lang ako.

Oh no! What a great way to start the day!

Huminga ako nang malalim at nagtungo sa bakanteng upuan. Uupo na sana ako pero may bruhang naglagay ng bag sa upuan.

"This seat is not available," maarteng saad niya.

Okay, hindi raw available. Eh 'di maghanap ng iba. Napansin ko na ang tanging bakante na lamang ay 'yung nasa dulo kung saan ang lahat ng lalaki ay nandoon. Mukhang may hindi magandang mangyayari. Pero dahil wala akong choice ay nagtungo na ako doon. Inilagay ko ang aking bag at umupo. Tapos kinuha ko ang aking libro para magbasa.

Maya-maya ay may lumapit sa aking babae. "Hi."

Napaangat ako ng tingin sa kanya. Sino naman siya?

Ngumiti siya ng matamis. "Can I borrow your book?"

"Sure," walang alinlangan na sabi ko.

Ibinigay ko sa kanya ang aking book. Kinuha niya ito. Tinapik-tapik ko ang daliri ko sa ibabaw ng desk ko. Mga ilang segundo ay naririnig ko ang yapak niyang pabalik sa akin. Iniabot niya sa akin ang aking libro. Nakangisi pa siya bago tumalikod. Pagbuklat ko, napakunot ang aking noo dahil sa aking nabasa.

Go die! Stupid B*tch! Slut! Ugly Nerd!

Iyan ang mga nakasulat sa bawat pahina ng aking libro. Tiningnan ko ang may gawa niyon, tuwang-tuwa ang bruha na nakikipagtawanan sa mga kaibigan niya na ako yata ang topic. Napailing na lamang ako at inilabas ko ang isa ko pang libro. Actually, pinaghandaan ko ang araw na ito. Ngumiti na lang ako sa kanila at nagbasang muli. Lihim akong natuwa nang makita kong nanggagalaiti sila sa inis.

Nakaramdam ako ng call of nature. Tumayo  ako pero hindi  pa man ako nakakaabot sa pintuan ay may naghagis ng bagay patungo sa direksiyon ko. Nailagan ko ito dahil agad akong umupo at nagkunwari na inaayos ko ang sintas ng aking sapatos.

Nakita ko na lang ang tennis ball na gumulong patungo sa akin. Pinulot ko ito at ibinigay sa lalaking bumato niyon. Walang imik na tinanggap niya ang bola. Lahat ng reaksyon nila ay nakanganga, napailing na lang ako ulit. Hindi kaya mapasukan ng langaw ang bibig nila?

Agad akong lumabas ng classroom para wala ng confrontation na maganap. Habang naglalakad sa corridor, lahat ng tao ay nakatingin sa akin at nagbubulungan. Eh di ako na ang sikat!

"Well, look what we have here!"

Napatigil ako sa paglalakad na makita ko ang tatlong babae na kasalubungan ko. Sinuri ko silang tatlo mula ulo hanggang paa. Matagal pa ang Christmas pero bakit ganyan ang outfit nila? Nakakasilaw!

"I'm surprised to see you're still alive," nakataas na kilay na sambit ng babaeng kulay pink ang buhok.

Ano kayang pinagsasasabi niya? Ibig bang sabihin, may namatay na dahil sa pambubully?

"Did you hear what I just said?!" maarteng sigaw niya ulit sa akin.

Muntik ko na ngang takpan ang aking tenga sa lakas na pagkakasigaw niya. Bella, huwag mo na lang intindihin ang mga brat na ito.

"B*tch!," sabi ng isang babae.

"You should learn where you belong," maarteng sabi naman ng isa.

"Obviously, hindi natin siya ka-level," sabi naman ng pangatlong babae.

Dahil sa ingay ng mga ito, nakukuha na namin ang atensyon ng iba at ayun pinagtitinginan na kami ngayon. Tama naman siya, hindi ko sila ka-level.

Hindi ko naman talaga forte ang magsuot ng pandekorasyon sa christmas tree. Ngumiti ako sa kanila. "You know what, huwag niyong sayangin ang oras niyo sa akin dahil kahit anong gawin niyo, wala kayong mapapala sa ginagawa niyo."

"Wow! May gana ka pang sumagot sa amin. Kung ikukumpara kami sa iyo, you're nobody!" pagmamayabang na sabi ng pangatlong babae.

Bahagyang napataas ang kilay ko sa sinabi niya. I am nobody? Okay.

"Stop pretending you're strong!"Ngumiti pa nang nakakaloko ang pangalawang babae.

Napapailing ako sa mga sinasabi nila. "You girls are hopeless." Lumakad na ako patungo sa cr. Nagulat ako nang hablutin ng isang babae ang buhok ko. Sh*t! Ang sakit ah!

"Where do you think you're going, b*tch?" gigil na sabunot niya sa akin.

"What was that? Say it again! I dare you!" sabi pa ng isa.

Bigla namang nagsalita ang nasa harap ko. "Who the hell do you think you are? You only got your scholarship because you're stupid and poor! Magpasalamat ka dahil nakakapag-aral ka sa eskuwelahan na ito, magkaroon ka sana ng utang na loob sa Fortalejo dahil sila ang nagpapaaral sa iyo."

Stupid and poor?! What the hell! Ngayon ko lang nalaman na sa Fortalejo pala galing ang scholarship ko? Hindi na ako nakapagtimpi at hinablot ko ang braso niya na nakahawak sa buhok ko.

"Sino ka para pagsabihan ako tungkol sa ganyang bagay? Wala kang karapatang husgahan ang pagkatao ko." Pinilipit ko ang wrist ng babae.

"Ah!" hiyaw nito.

"I'll give you one last chance..." Pabalyang binitawan ko ang babae.

Matalim na tinignan ko sila. "Stop bugging me. Or else horror ang kalalagyan ninyo."

"Kyah!," sabay-sabay silang nagtiliian na ikinairita ko naman. Ang sakit sa tenga eh.

"What's going on here?!"

I see five gorgeous women standing in front of us. Sila ang mga babaeng nasa canteen kahapon at yung isa sa kanila ang nagsabi sa akin na gusto niya ako.

"Princess, walang modo ang babaeng 'yan. Tingnan mo, itinulak niya kami," pagsusumbong ni Ms. Christmas Tree.

"At hindi lamang iyon, she pilipit my wrist." Maarteng umiiyak ang babaeng sumabunot sa akin kanina.

Tumingin sa akin ang babaeng nangangalang Princess. "Totoo ba ang sinabi nila na tinulak mo sila at pinilipit mo ang wrist ng christmas tree na ito?"

"Yes," walang gatol na sagot ko.

Tinitigan niya ako nang matagal at napangiti siya ng makahulugan. Ano kayang binabalak niya?

"Princess, tama nga si Emp, dapat ng mapaalis sa school na ito ang babaeng 'yan. Hindi natin kailangan ng beggar dito."

"Tama kayo," sang-ayon ni Princess. "Dapat ngang umalis na kayo rito!" Nakatingin siya sa tatlong babae na ngayon ay hindi makapaniwala sa sinabi ni Princess.

Napataas ang aking kilay sa sinabi niya.

"Ah?! Bakit kami?!" sabay-sabay na tanong nila. "Oo nga, inutos lang sa amin ito ng Black Dragon Gang."

"I don't care! Just shut up b*tches!" nagtitimping sabi ni Princess. "Kung hindi pa kayo aalis ngayon, ihanda niyo na ang school records niyo para makalipat ng ibang school."

"S-sorry!" Mabilis na tumakbo ang mga ito palayo.Natawa pa ako nang makita ko silang halos madapa sa pagtakbo dahil sa labis na pagmamadali at dahil na rin sa nagtataasan nilang heels.

"Are you okay?" tanong niya sa akin.

Tumango ako bilang tugon.

"Sorry sa ginawa nila. I'm Princess Fortalejo." Inilahad niya sa akin ang kanyang kamay. Fortalejo? Kaano-ano niya si Jarvis?

"Kapatid ko si Kuya Jarvis," nakangiting sabi niya.

Nahihiyang tinanggap ko ang kanyang palad. Kaya pala ganoon na lang kalaki ang takot ng mga babaeng 'yon sa kanya. Isa pala siyang Fortalejo. Ang ipinagtataka ko, bakit niya ako tinulungan? Mukhang nabasa naman niya ang nasa isip ko at ngumiti siya sa akin..

"I hate his guts. Don't worry about him, ganoon lang talaga si Kuya Jarvis. Oo nga pala, here are my girl friends: my cousin Ellen Fortalejo, magpinsang Grace Sy & Jessica Sy, and this is Angel Monteverde."

Nginitian ko sila. Bakit pakiramdam ko, lahat sila ay may connection sa Black Dragon Gang?

"And you are?" tanong ni Jessica.

"I'm Bella Uy, first year college. Nice to meet you, girls." Bigla kong naalala na kailangan ko nga palang mag-cr. "Mauna na ako sa inyo." Hindi ko na sila hinintay na sumagot at nagmamadaling nagtungo na ako sa cr.

Pagdating ko sa comfort room ay pumasok agad ako sa isang cubicle. Kinalma ko ang aking sarili. Bigla akong nag-alala dahil baka isipin nila na ayaw kong makipagkaibigan sa kanila. Sa totoo lang, gusto ko. Kaya lang kasi… hay… may connection sila sa Black Dragon Gang na dapat kong iwasan. Mas okay pa na mag-isa na lamang ako para tahimik ang aking school life.