Chapter Six

Gustong katusan ni Georgina ang sarili dahil hindi na naman siya nakahuma habang akay-akay ni Rhett. Wala siyang ideya kung saan siya nito dadalhin at wala ring silbi ang kakulitan niya sa pagtatanong dahil buong biyahe ay tahimik ang lalaki at hindi pinansin ang pagmamaldita niya.

Tatlumpong minuto ang nakalipas bago tuluyang huminto ang sasakyan sa harap ng isang magarang mansyon na may limang palapag. Sa sobrang lawak niyon ay hindi alam ni Georgina kung mansyon o palasyo ang nasa harapan niya. Bumaba siya ng kotse pagkahinto niyon at namamanghang pinagmasdan ang malapalasyong mansyon.

“Dito ka nakatira?” nanlalaki pa rin ang matang tanong niya kay Rhett. Alam niyang mayaman ang lalaki pero hindi niya akalain na ganito kayaman. Kung tama nga ang hinala niya ay hindi lang perfume ang negosyo ng lalaki.

Tinapunan siya nang hindi makapaniwalang tingin ni Rhett. “Kung hindi dito, saan?” nakahalukipkip na tanong nito habang nakataas ang isang kilay.

Inirolyo ni Georgina ang mata. “Nagtatanong lang. Masama ba?”

Imbes na sagutin ay binuhat siya ng lalaki na parang pasan ang isang sakong bigas at dire-diretsong pumasok ng bahay. Bumaliktad ang tingin ni Georgina sa paligid at hindi niya makita nang maayos ang daang tinatahak ni Rhett. Ibinaba lamang siya nito hanggang makarating sila sa elevator.

“Bakit kailangan mo pa akong buhatin? Kaya ko namang maglakad!” she pouted.

“Sa liit ng binti mong ‘yan, sigurado akong hindi mo mahahabol ang hakbang ko. Nag-aalala lang ako baka maligaw ka sa pamamahay ko. Sayang ang oras para hanapin ka.” Sumandal ito sa dingding ng elevator matapos pindutin ang number five button.

Nakapameywang na hinarap ito ni Georgina. Nang makita ang nakakaloko nitong ngisi ay alam niyang pinaglalaruan na naman siya nito. Bago pa siya makapagsalita ay hinawakan siya sa pulsuhan ng lalaki at hinila palabas dahil bumukas na ang elevator at nakarating na sila sa fifth floor.

Nakahilirang kababaihan na nakauniporme ang naghihintay sa kanila paglabas ng elevator.

“Bihisan niyo at ayusan ang babaeng ito. Kailangan ko siya sa loob ng isang oras,” utos nito at agad namang tumalima ang mga kababaihan. Mukhang hindi lang basta kasambahay ang mga ito.

Muli na namang sunod-sunuran si Georgina habang binihisan at inayusan siya ng halos limang kababaihan. Bago matapos ang isang oras na palugit na binigay ni Rhett ay tapos ng ayusan si Georgina at pababa na muli siya ng elevator.

Pagkalabas niya ay sinalubong siya ng naghihintay na si Rhett. Nakasuot ito ng puting polo na lalong nagpatingkad ng kaguwapuhan nito. His hair was styled back, revealing his fair forehead. Nakatingala si Georgina habang nakatingin sa lalaki at halos matulala sa kaguwapuhan nito.

Bumalik lamang siya sa kasalukuyan nang bigla itong yumuko at bumulong sa kanyang tainga. “Makipagtulungan ka sa akin at siguradong wala akong gagawin sa ‘yo.”

Mababa ang boses nito at ang mainit na hininga ay bumuga sa loob ng kanyang tainga. Georgina shuddered and she felt goosebumps all over. Sa pagkakataong ito ay alam ni Georgina na wala na siyang takas. Kung kaya nitong hanapin ang bahay niya, kaya rin siya nitong hanapin kahit saan man siya magtago.

Nangangalit ang ngipin na sinagot niya ito. “Okay, sige, papayag ako. Alam kong pareho tayong may kailangan sa isa’t isa. Pero kailangan ko ng panahon. Gaano katagal na gusto mong maging mag-asawa tayo? At sinasabi ko sa ‘yo, kapag dumating ang araw na iyon, wala na tayong pakialaman sa isa’t-isa.”

Walang interes na sumagot ang lalaki sa malamig na boses. “Tatlong buwan.”

“Okay, agree. Tayo na.” Inilahad ni Georgina ang palad.

Hindi gusto ni Rhet na makipaghawakan ng pisikal kaninuman kung ito ang nag-i-initiate at nag-aalangan siya kung tatanggapin ang palad ng dalaga o hindi. Pero sa huli ay tinanggap niya iyon. Isang judge ang magkakasal sa kanila at inimbitahan iyon ni Rhett na pumunta sa mansyon nila. Dahil madalian ang kasal na ito ay walang magarbong dekorasyon at ang seremonya ay ginawa lamang sa malaking study ng mansyon. Ang witness sa kasal ay ang mismong judge at ang dalawang kaibigan ni Rhett na umalis din kaagad matapos nilang pumirma.

“Bumalik ka muna sa kuwarto. Magpasama ka sa kasambahay na naghihintay sa labas.”

Tango lang ang isinagot ni Georgina at lumabas ng study. Tulad ng sinabi ni Rhett ay may kasambahay na naghihintay sa kanya sa labas at sinamahan siya nito hanggang sa makarating siya sa kuwarto. Ang buong akala niya ay babalik siya sa guestroom na pinagdalhan sa kanya kanina ni Rhett pero namangha siya nang dinala siya ng kasambahay sa kuwarto mismo ni Rhett!

Habang naghihintay sa lalaki, na ngayon ay asawa na niya, ininspeksyon ni Georgina ang buong kuwarto. When she felt satisfied, then she only remembered that she was still wearing her long white dress. At wala siyang pampalit dahil hindi na niya makita kung saan ang pinagbihisan niya. Patamad na humiga siya sa kama at hindi niya namalayang nakatulog na pala siya. Mabilis siyang dinalaw ng antok dahil halos wala siyang tulog kagabi dahil sa may tinapos siyang trabaho.

Nang maramdaman ni Georgina na bahagyang lumubog ang kama ay bigla siyang nagising at ang unang bumungad sa kanya ay ang guwapong mukha ng asawa na nakatungo sa kanya. Halos gahibla lang ang lapit ng mukha nila at ang magkabilang braso nito ay nakatukod sa tabi niya dahilan upang makulog siya at maging limitado ang kilos.

“Ano’ng ginagawa mo, Rhett? Mag-asawa lang tayo sa papel pero wala sa usapan natin ang ganito.” Nakaangat ang isang kilay na kastigo niya.

Mahinang napatawa si Rhett. Lalong lumabas ang kaguwapuhan nito dahil sa tawang iyon at bahagyang kumabog ang dibdib ni Georgina.

“Sino ang nagsabi sa ‘yo na mag-asawa lang tayo sa papel?”