Kabanata 7

Sabay na lumabas sina Eddy at Caroline sa event hall. Pagkalabas na pagkalabas, hinatak ni Eddy si Caroline sa isang gilid at sinakal. “Wag kang magpakapanatag na hindi ka masasaktan dahil lang sa paborito ka ni lolo!”

Nahihirapan si Caroline na humingi pero ngumiti siya sa halip na magpumiglas. “Ikaw ang wag magpakapanatag! Itigil mo na yang pag iisip na gamitin ang kidney ko bilang kapalit ng kasal at makipag ayos kay Lolo! Kung hindi, hindi mo magugustuhan ang mga sunod kong ibubulgar!?”

Nanginginig si Eddy sa sobrang galit. Pakiramdam niya ay ibang Caroline ang nasa harapan niya. Hindi na ito sunud-sunuran na parang tupa.

Lalong hinigpitan ni Eddy ang pagkakasakal kay Caroline habang nagbabanta, "Hindi ako nakikipag laro sayo! Ayokong ikasal sayo kaya ibigay mo na ang kidney mo kay Layla!”

Pagkatapos magsalita, binitawan ni Eddy si Caroline at umalis.

Sinundan ni Caroline ng tingin si Eddy habang naglalakad ito palayo. Hindi niya alam kung paano siya naging patay na patay kay Eddy sa loob ng walong taon. Pero.. hindi na siya interesadong malaman ang kasagutan sa tanong na yun. Naglakad-lakad siya at naghanap ng isang staff para magtanong kung nakita ba nito ang uncle ni Eddy, at sakto, nakita niya si Kirk sa hindi kalayuan.

Hindi niya makita ang ekspresyon nito dahil madilim sa kinatatayuan nito.

Ang kanyang magandang kasuotan ay nagpapakita ng kanyang perpektong katawan. Dominante ang kanyang aura, parang mas mataas pa sa kanya.

“Anong ginagawa mo dito?” Nagtatakang tanong ni Caroline. Ang Starlust Hotel ang pinaka mamahaling hotel sa buong Osbury at tanging mga Morrison lang ang pwedeng pumunta dito.

Hindi sinagot ni Kirk ang kanyang tanong. Sa halip, tinitigan niya si Caroline.

"Si Eddy ba ang boyfriend mo?"

Noong una, akala niya ay coincidence lang na Eddy din ang panngalan ng fiance ni Caroline, pero matapos na tawagin ni Jude na Carrie ang kausap nito sa phone kanina, lumakas ang kutob niya at pinabackground check niya kaagad si Caroline sakanyang assistant.

Ang assistant niya ang tumawag. Noong nalaman ni Kirk na si Caroline ang girlfriend ni Eddy, nag umpisa siyang magkaroon ng hinala sa kasosyo nila.

Hindi na nagulat si Caroline na alam ni Kirk kung sino ang boyfriend niya dahil alam naman yun ng lahat ng taga Osbury. “Oo, may problema ba?”

Nagsalumbaba si Kirk at kumunot ang noo habang nakatitig kay Caroline na para bang isa siyang pulis.

Biglang lumapit si Kirk, kaya nangibabaw ang amoy na parang mint. Dahil dun, biglang bumilis ang tibok ng puso ni Caroline at namutla, "Ano … ano ang problema?"

Hindi nagpatinag si Kirk at nagpatuloy lang ito sa pagtitig sakanya.

Nanginig ang buong katawan ni Caroline at sobrang bilis din ng tibok ng kanyang puso. Nagpapanic siyang umiwas ng tingin at mahinang sinabi, “Tinatakot mo ako.”

Hindi nakuntento si Kirk sa sobrang lagkit niyang tingin kay Caroline at hinaplos niya pa ang maputi at makinis nitong mukha, kaya huminga ng malalim si Caroline at nakakunot ang noong tumingin kay Kirk. “Ano bang problema mo?”

Kumunot din ang noo ni Kirk at umiwas ng tingin kay Caroline. “Alam mo ba kung sino ako?”

Naguguluhang sumagot si Caroline. “Kirk Morrison.”

Ramdam sa mga mata ni Caroline na nagsasabi ito ng totoo. Niinis na binitawan ni Kirk si Caroline, at biglang nawalan ng emosyon ang kanyang mukha nang sabihing, “Maghiwalay na tayo bukas.”

"Bakit?"

Sobrang biglaan naman ata.

Inayos ni Kirk ang kanyang necktie at muling tumingin kay Caroline. Magkita tayo ng 9 am sa Munisipyo. Pagkatapos na pagkatapos magsalita, walang anu-anong naglakad paalis si Kirk.

Nagmamdaling sumunod si Caroline kay Kirk. “Sandali lang! Natatakot ka ba na baka habulin ka ni Eddy? Wag kang mag alala, hindi niya ako mahal kaya hindi niya tayo guguluhin.

Wala namang ibang gusto sakanya si Eddy kundi ang kidney niya, at matagal niya ng tinanggap na hindi talaga siya gusto nitong mapangasawa.

Kumunot ang noo ni Kirk at lalong binilisan ang kanyang paglalakad. Nang ganun-ganun nalang, gusto niya ng hiwalayan ito. ‘Ano bang nangyayari?!’

Bandang huli, hindi na nagpumilit pa si Caroline at pinanuod nalang itong maglakad palayo. Sobrang lungkot niya.

Siguro nga, kailangan niya ng tanggapin na baka nakatadhana talaga siyang mag donate ng kindey niya para lang mapakasalan..

Hindi alam ni Caroline kung anong nangyari kaya ilang minuto siyang nakatulala at nahimasmasan lang nang bigla siyang lapitan ng butler.

Nag-aalala, sinabi nito, "Ms. Evans, ayos lang ba kayo?"

Nalilito siya, pero sumagot pa rin, "Oo. Ano iyon?"

"Dumating na si Mr. Morrison. Sinabi sa akin ni Jude na sabihin sa iyo," Sagot ng butler.

Sa wakas, makikilala niya ang misteryosong uncle ni Eddy. Huminga ng malalim si Caroline para kumalma siya ng bahagya at naglakad pabalik sa event hall.

Pero walang uncle, at maging si Eddy ay wala rin.

Agad-agad na nagpaliwanag si Jude, “Kakaalis niya lang kasi may emergency daw. Kung napaaga ka siguro ng isang segundo, nakita mo siya.”

Nalungkot si Caroline, pero siyempre hindi niya naman yun pwedeng ipahalata kaya pumayag siya na makipag dinner pa rin kasama si Jude.

Pagkalabas niya ng hotel, pakiramdam niya ay pagod na pagod ang katawan niya kaya hindi muna siya umalis at nanatili lang siyang nakaupo sa loob ng kanyang kotse.

Sakto, biglang tumawag si Gwen na medyo nagpapanic, “Babe, kailangan kong mag overtime ngayong gabi. Pwede mo kayang deliveran si Mommy ng pagkain?”

Gusto sanang ibalita kaagad ni Caroline kaagad kay Gwen ang mga nangyari, pero sa tingin niya ay hindi pa ito ang tamang oras na sabihin yun kaya masaya siyang sumagot, “Oo naman.”

“Mwah! Love you, babe! Ittreat kita ng dinner kapag natanggap ko na yung bonus ko!”

Mga ilang minuto pa silang nag usap bago natapos ang tawag. Pagkatapos, sinabihan ni Caroline ang driver na dalhin siya sa ospital.

Pagdating niya, bumili kaagad siya ng lugaw at ilang tinapay bago siya pumunta sa ward. Nadaanan niya ang garden, at hindi niya inaasahan na makikita niya doon si Layla na sakay ng wheelchair at tinutulak ng isang nurse. Hindi lang yun, may isa pa itong kasama na tagahawak ng kape, at isa pa na taga paypay.. Kung titignan, mukha talaga itong reyna na pagala gala sa loob ng ospital.

Gusto sana niyang wag pansinin nalang ito, pero may narinig siya na biglang nagpintig ang tenga niya. “Ang bait bait niya naman sayo, Mrs. Morrison. Bukod sa araw-araw ka na niyang dinadalaw dito, binibigyan ka pa niya palagi ng mga alahas! Naiinggit tuloy ako!”

“At sa sobrang pagmamahal niya sayo, hindi siya nakuntento na isa lang ang mag aalaga sayo kaya kumuha siya ng labindalawa!”

Alam no Layla na nandoon si Caroline kaya sumagot siya ng may malakas na boses, “Totoong mahal na mahal ako ni Eddy!”

Kung noong mga nakalipas na araw ito ginawa ni Layla, palalampasin lang ni Caroline ang mga nangyari, pero sobrang init ng ulo nito ngayon kaya makakatikim talaga ito!

Bumalik si Caroline at dumireto kay Layla. “Huy, what a coincidence, pinsan. Nandito ka rin pala.”

Pagkatapos, bigla walang anu-ano niyang ibinuhos ang lugaw sa ulo ni Layla. "Ay akala ko bato! Yung makapal mo lang pala na mukha yan!"

Mainit yung lugaw.

At dahil dun, humiyaw si Layla na siyang umalingawngaw sa buong garden.