CHAPTER 42

Nang makadating si Ivor sa bahay nila, sinalubong siya nang kaniyang ina.

“Mabuti at nandito ka na, Ivor.”

Bakas sa mukha nito ang pag-aalala kay Janelle kaya niyakap niya ang ina. “Don’t worry, Mom. Magiging okay din siya. How was she?”

Humiwalay silang mag-ina sa pagkakayakap sa isa’t isa. Inakbayan ni Ivor ang ina niya at sabay sila naglakad patungo sa second floor.

“She’s alright. Pero sabi ng doktor, kailangan niya nang bed-rest.”

Pagdating nila sa second floor, dumiretso sila sa kwarto ni Janelle. Kumatok ang kanilang ina.

“Anak, nandito na ang kuya mo.”

Binuksan ni Ivor ang pinto at nakita nilang nakaupo si Janelle sa kama nito at nakasandal sa headrest. Nanlaki ang mga mata nito sa gulat nang makita siya.

“Oh, Kuya? Anong ginagawa mo rito?” dumako ang tingin ni Janelle sa kanilang ina. “Sinabi mo kay Kuya Ivor, Mom?”

Humiwalay kay Ivor ang kanilang ina, lumapit ito kay Janelle at umupo sa gilid ng kama nito.

“I’m sorry. Nag-aalala lang ako sa’yo, bunso. Isa pa, hindi namin k