CHAPTER 41

Naglalakad si Lily sa parking lot ng isang commercial building para hanapin kung saan niya na-park ang kotse niya. Nang makita niya ito, pumasok siya sa driver seat. Mabilis niyang sinara at ni-lock ang pinto saka siya nag-seatbelt. Pinaandar niya ang makina ng kotse at nagsimulang magmaneho paalis ng building na ‘yon.

Kagagaling lang niya sa isang client meeting at pauwi na siya ngayon. Mabagal ang daloy ng mga sasakyan dahil rush hour na. Kaya naman kinuha ni Lily ang cellphone niya at tinawagan si Ivor para i-check si Isaac.

Ilang ring pa lang ay sumagot na si Ivor. “Hello, Lily?”

“Hi, Ivor. Kumusta si Isaac? Pauwi pa lang ako, sorry.”

“No, it’s okay. Ayos naman siya. Katatapos lang namin gawin ang assignment niya.”

Weekdays ngayon pero magkasama sina Ivor at Isaac. Simula nang si Ivor ang magsundo kay Isaac galing sa eskwelahan at nang malaman nito ang bahay nila, ito na minsan ang nagtitingin kay Isaac kapag ginagabi siya sa trabaho. Dinidiretso na ni Ivor ang anak niya sa bahay