CHAPTER 7

Nakaupo si Lily sa swivel chair niya at abala siya sa pagbabasa ng mga documents paper nitong mga nagdaang araw para sa mga naka-schedule nilang event.

Maya maya pa nag-ring ang telepono sa kaniyang opisina. Kinuha niya ito at saka sinagot. “Hello, this is Lily Andra of ISAAC’s speaking.”

“Good afternoon, Ms. Lily. This is Lian Andra from IVS Construction. I would like to apply for an inquiry,” pagpapakilala mula sa kabilang linya.

“Lian? My little brother?” sabi ni Lily at hindi niya napigilan na matawa.

“Ate naman! Seryoso ako rito, oh. Nasa work ako kaya kailangan ko maging formal,” parang bata na nagrereklamo sa kabilang linya si Lian.

Tumikhim si Lily at inayos ang pananalita niya, “Okay, okay. Hindi mo naman kailangan maging formal. Mag-i-inquire ka para saan?”

Narinig ni Lily ang pagbuntong hininga ni Lian sa kabilang linya bago ito magsalita, “O-order sana kami ng packed lunch para sa seminar ng mga new employee ng company namin. Alam mo naman, bago pa lang ito kaya madami-dami