8

8

"Bakit ka ba nagtatago?" Kunot noo na tanong ni Seji nang mapansin ang pagharang ko ng mukha ko gamit ang menu ng restaurant.

Tuwing may papasok kasi sa restaurant ay tinatakpan ko ang mukha ko. Natatakot lang naman ako na makita si Maddix. I can't believe this. Noong nakaraan ay lahat ginagawa ko lahat para mapalapit sa kanya, pero ngayon ay heto ako nagtatago at gusto siyang iwasan.

Kinaumagahan ay dito kami sa restaurant mismo naisipang mag almusal. Mas masarap at mas marami kasing pagpipilian dito. Tutal ay libre naman lahat ay dito na lang kami. Nasa long table kami at nandito kami halos lahat na trainee.

Sampu kaming nandito at ang iba ay nasabi na ang mga order at kinuha na rin ang mga menu.

"Baka pinagtataguan yung kahalikan niya kagabi?" Tanong ni Hennah rason ng pagsama ko ng tingin ko sa kanya

Lahat sila ay napasulyap tuloy sa'kin.

"Wala kong kahalikan!" Irita kong sambit sa kanya.

"Kunwari naniniwala ako," sarkastiko niyang sambit.

"Sabihin mo na lang kung anong orde