CHAPTER 2

Broken Love 

CHAPTER 2 

3RD POV 

“Sofia!!” Tawag niya pero hindi ito sumagot, kaya naisipan niyang bumaba, dahil baka nasa baba ito. 

“Manang, nakita niyo ba si Sofia?” Tanong niya sa katulong nang nakasalubong niya ito. 

“Umlis po si Ma’am Sofia, Ma’am Luna.” Sagot nito, kaya na-pakunot ang noo niya. 

“Saan daw siya pupunta?” Taka na tanong niya rito. 

“Hindi ko po alam Ma’am.” Sagot nito, kaya na-pahinga siya nang malalim. Hindi niya maiwasan na manibago, dahil ngayon lang umalis ng bahay ang kanyang ina, na hindi sila kasama. Isa pa, si Sofia, kapag gabi ay hindi ito umaalis, dahil sabay silang mag-aaral. 

Bumalik siya sa kanyang silid at kinuha ang kanyang phone, tinawagan niya ang kanyang ina, pero hindi ito sumasagot. 

Naisipan nalang ni Luna ang matulog, dahil inaantok na siya, tinatamad na rin siyang mag-aral,dahil wala naman ang kapatid niyang si Sofia. 

“Gumising kana.” Nag-dilat siya sa kanyang mga mata at nakita si Sofia. 

“Anong oras ka umuwi?” Tanong niya, habang tumayo. 

“Hindi ko alam kung anong oras ‘yon, basta sabay kami ni Mommy at Daddy.” Sagot nito. 

“Maligo kana, anong oras na. Gusto mo bang pagalitan ni Daddy?” Wika nito kaya agad siyang tumayo. 

“Good morning Mommy.” Ngiting wika niya habang humalik sa pisngi ng kanyang ina. 

“Good morning umupo na kayo, para makakain na.” Wika nito. 

“Mommy, saan pala kayo galing kahapon?” Tanong niya rito. 

“May pinuntahan lang kami ng daddy mo.” Sagot nito kaya napatango siya. 

“Bilisan niyo na Luna, Sofia, ayokong ma-late.” Wika ng kanilang ama, kaya nagmamadali silang kumain. 

“Luna!” Napalingon siya at nakita si Matteo. Hindi niya naman naiwasan na mkaramdam ulit ng sakit, dahil sa sinabi ni Sofia sa kanya. 

“Bakit ang tagal mo?” Tanong nito sa kanya. 

“Bakit? Ano bang kailangan mo?” Inis na tanong niya rito, kaya natigilan ito. 

“Mukhang galit ka yata...” Wika nito habang iniwan niya ito. Pero mabilis itong sumunod sa kanya at binuhat siya. 

“Hoy!! Matteo!! Ano ba!! Ibaba mo nga ako!!” Sigaw niya, kaya nag-titinginan sa kanila ang ibang students sa kanila. 

“Ayoko! Hangga’t hindi mo ako kakausapin hindi kita ibaba.” Inis niya itong hinampas, dahil sa sinabi nito sa kanya. 

“Kinakausap naman kita!” Wika niya habang natigilan ito. 

“Kinakausap mo nga ako, pero galit ka naman sa akin. Sorry na kung hindi ako pumasok kahapon, pinasama kasi ako ni Mommy sa pinsan ko.” Siya naman ang natigilan, dahil sa sinabi nito. 

“Ibig mong sabihin, pinsan mo ‘yong kasama mo kahapon?” Tanong niya rito. 

“Nakita mo ba kami? Bakit hindi ka lumapit, para ipakilala kita sa kanya.” Wika nito, habang binaba siya. 

“N-Nagmamadali ako.” Pagsisinungaling niya, dahil ayaw niyang sabihin na si Sofia ang nakakita sa kanila. 

“Kaya ka pala nagagalit. Ito, para mawala na ‘yang galit mo.” Wika nito, habang inabot sa kanya ang isang chocolate. Alam kasi nito na ito ang paborito niya. 

“’Wag ka nang magalit.” Ngiting wika nito habang hinalikan siya sa noo. 

Ganadong-ganado na nag-aral si Luna, habang nasa harapan niya ang binigay na chocolate ni Matteo. 

“Ayos ah, mukhang ang saya-saya mo.” Napalingon siya sa kanyang kapatid at masama itong tiningnan. 

“Pwede bang ‘wag kang maingay, at bakit hindi ka nagsusulat?” Tanong niya rito, dahil nakahawak lang ito sa phone. 

“Tapos na kaya ako.” Ngiting wika nito. 

“Umayos ka nga.” Inis na wika niya, habang lalo itong napangiti. 

“Ayos lang kung hindi ako mag-aral, nand’yan ka naman.” Inirapan niya ito, dahil sa sinabi nito sa kanya. 

“Ikaw talaga, lagot ka talaga kay Daddy, kapag malaman niya ‘yang ginagawa mo.” Wika niya at muli nang itinuon ang atensyon sa hawak niyang libro. 

“Sabay na tayong kumain.” Wika sa kanya ni Matteo, kaya napatingin siya kay Sofia. 

“Ayokong sumama sa inyo.” Wika nito at iniwan sila. 

“Hayaan mo nalang ‘yong kapatid mo. Mukhang ayaw niyang makasama tayo.” Wika ni Matteo, habang lihim siyang napangiti. Iniisip niya na baka napagtanto na nitong hindi siya gusto ni Sofia. 

“Bakit hindi mo pa rin ‘yan kinain?” Tanong nito habang nakatingin sa chocolate na hawak niya. 

“Ngayon ko ‘to kakainin.” Sagot niya rito. 

“’Wag kang mag-alala. Bukas bibilhan pa kita niyan.” Ngiting wika nito, habang lalo siyang nakaramdam ng kilig. 

“Baka magselos ang girlfriend mo.” Wika niya, kaya agad na na-pakunot ang noo nito. 

“Girlfriend? Anong girlfriend?” 

“Nagma-maang-maangan pa talaga.” Iling na wika niya, habang nailing ito. 

“Alam mo naman na ikaw lang ‘yong girlfriend ko.” Gulat siyang napatingin dito, dahil sa sinabi nito sa kanya. 

“A-anong ibig mong sabihin?” 

“Luna, wala naman akong ibang kasamang babae, ikaw lang, kaya ikaw ang girlfriend ko.” Ngiting wika nito habang inakbayan siya. 

“Tara na nga.” Wika nito. 

“Bakit ‘yan lang ang kakainin mo?” Tanong nito sa kanya. 

“Busog pa ako.” Pagsisinungaling niya, dahil ang totoo ay nailang na siya rito, lalo na sa sinabi nito kanina.

“Dagdagan mo nga ‘yan.” Wika nito, habang nilagay sa plato niya ang ibang pagkain nito. 

“Luna, samahan mo kaya ako mamaya.” Nag-angat siya nang mukha, dahil sa sinabi nito. 

“Saan?” Tanong niya rito. 

“Mamasyal sa labas.” 

“Alam mo naman na bawal akong lumabas.” Sagot niya habang nakita ang dismayado nitong mukha. 

“Kung gusto mo, ako ang magpaalam sa daddy mo.” Namilog ang kanyang mga mata, dahil sa sinabi nito. 

“’Wag!” Wika niya, kaya taka itong napatingin sa kanya. 

“’Wag mong gagawin ‘yon, dahil lalo lang magalit si Daddy.” Wika niyang muli, kaya na-pahinga ito nang malalim. 

“Bakit ba kasi bawal? Sandali lang naman sana tayo.” Malungkot na wika nito sa kanya. 

“S-sige, ‘wag kang mag-alala. Hahanap ako ng paraan para makalabas.” Wika niya, kaya unti-unti na nagliwanag ang mukha ni Matteo. 

“T-tlaga?” Tuwang tanong nito, habang tumango siya rito. 

“Hihintayin ko ‘yan Luna.” Wika nito, habang hinahalikan ang kamay niya. 

“Hoy, ano ba ‘yang ginagawa mo?” Nahihiya na tanong niya rito. 

“Bakit?” Ngiting tanong nito, habang hindi niya maiwasan na makaramdam ng init sa mga pisngi niya. 

“D-Dad..” Utal na wika niya habang nasa loob na sila ng kotse. 

“Pwede ba akong sumama sa kaklase ko?” Wika niya, habang na-patingin ang kanyang ama sa kanya. 

“Sasama? Saan?” Kunot-noo na tanong nito sa kanya. 

“Sinong kaklase?” Tanong sa kanya ng kapatid niyang si Sofia.