Chapter 30: Argument

Chapter 30

Argument

MATAPOS idaos ang reception ng kasal mismo sa Beach wedding event ay nagsiuwian na ang lahat. Si mommy ang huling nagpaalam sa amin ni Damien.

"Mom, ihahatid ka na namin." Pamimilit ko rito ng ilang beses. Pati si Damien ay nag-offer na ihahatid namin siya.

"Nako Aurora, kanina ka pa namimilit. Huwag na kayo magabala pa ng asawa mo anak at nandito naman ang mga kaibigan mo." Iyon lagi ang sinasagot nito sa akin.

"Yes, friend... Huwag kang magalala at iuuwi namin nitong si Nancy ng ligtas si Tita sa bahay n'yo." Sabi ni Cady na nagpaiwan rin kasama ang isa pa naming kaibigan.

"Yes, best. Huwag kang magalala dahil nasa tamang mga kamay ang mommy mo." Segunda naman ni Nancy.

"Kaya huwag mo alalahanin si Tita, ang dapat mong pagtuonan ng pansin ay ang honeymoon n'yo nang magkaroon na agad ng bunga ang kasalang ito." Patago ko naman siniko at sinamaanan ng tingin si Cedy.

"Buti nga sa 'yo."

Para na namang mga bata na nagtalo ang dalawa, iyon ay dahil mas boto ito