BODCT-18

BODCT-18

MARINEL

"Ayos lang po pero tama kayo sa hula niyo. Sobrang mahal na mahal ko po si Enzo noon. Hindi nga po naging kami e pero minahal naman namin ang isa't isa. Sadyang maaga lang po talaga siyang kinuha ni Lord," nakangiti ko pang sagot.

"Kabaliktaran po ba ng ugali ni sir ma'am?" Humagikhik pa si Manang Ester.

"Ay nako Manang Ester, talagang oo! Sobrang lambing po no'n at saka 'di nagsusungit," kuwento ko pa.

"Nako, baka po nauntog si sir Caldwill kaya sumama ang ugali." Napatawa ako ng malakas dahil sa sinabi nito.

"Baka nga po!" segunda ko at pareho kaming nagtawanan.

"Manang, coffee please," biglang sulpot ni Caldwill sa likuran ko.

Para akong nabuhusan ng ilang balde ng tubig. At parang biglang nasa on the spot racing naman ang pagtibok ng puso ko. Nakakaloka na talaga! Umupo naman ito sa dulo ng mesa at inilapag ang dala niyang dyaryo. Panay nginig din naman itong mga tuhod ko. Daig ko pa ang nasa interogation spot light. He stared at me pero agad din namang nagbawi