Chapter 15

Jordan Pov...

Pabalik na ako sa opisina pagkatapos ng aking mahabang meeting. Kinawayan ko si Lea bago pumasok sa aking opisina nung natigilan ako sa pagpasok pagkakita kay Rex na masarap ang ngiti. Nakataas pa talaga ang kanyang paa habang nakatitig sa hawak niya na hindi makapaniwala ang kanyang ngiti. Pinanood ko siya ng ilang minuto bago nagpatuloy kaso hindi niya ako narinig o napansin man lang na pumasok.

Alam kong pinuntahan ni Rex sa Cebu si Samantha at sonogram ang hawak niya kaninang nakangiti siya. Naramdaman ko rin yung saya na ganyan noong unang makita ko ang larawan niya at marinig ang pulso ni Venus. Hindi maipaliwanag na saya ang bumabalot sa aking puso na lagi akong nakangiti.

Hindi ko siya uunahan, aantayin ko siyang magsabi sa akin. Ayaw kong isipin niyang magkakalamat ang aming pagkakaibigan dahil sa kanila. Wala namang magiging problema sa akin kapag magkatuluyan sila, mas kampante pa nga ang loob ko dahil alam kung aalgaan at hindi niya sila pababayaan pero ala