Kabanata 28.2

“Paano po kapag hindi niya na talaga ako maalala?” tanong ko naman sa kaniya. Bahagya lang naman siyang ngumiti sa akin.

“Naniniwala akong babalik din ang ala-ala niya. Ang sabi ng mga doctor may pag-asa pang bumalik ang ala-ala niya kapag may nakita siyang bagay na related sayo o mga senaryo na related sayo. Madali na lang yun dahil nandito ka na, hindi ka niya maaalala pero sayo niya lang makikita ang mga bagay na parang nangyari na sa kaniya noon.”

“Bakit niyo po ito ginagawa?” taka kong tanong sa kaniya. Alam ko namang nag-aalala siya sa anak niya o sa amin ni Darren pero pakiramdam ko kasi may iba pang dahilan kung bakit niya ako kinakausap ngayon.

“Dahil sayo ko lang nakita na sumaya ang anak ko.” seryoso niyang saad na nakapagpatahimik sa akin. “Hindi ko makita ang anak kong kapiling ang ibang babae. Ikaw ang gusto ko para sa kaniya dahil hindi man kita gaanong kilala pero nararamdaman ko kung gaano ka kabuting tao. Ikaw ang gusto ko para sa kaniya, pa