Kabanata 28.1

TRINA POV

Maaga akong nagising at nakaramdam naman ako ng saya, ewan ko ba pero parang gumaan ang pakiramdam ko ng makausap ko si Darren. Ilang taon kaming hindi nagkita at nagkausap dahil lamang sa isang kasalanang hindi naman napatunayan. Matapang at masungit pa rin siya ayon sa mga sinasabi nila pero parang siya yung Darren na minahal ko noon pitong taon na ang nakalilipas, noong panahon na nagsisimula na kaming dalawa para sa relasyon namin ng makausap ko siya kagabi.

“Diretso ka na ba sa office mo sa Dela Vegas group?” tanong sa akin ni Janet ng makalabas kami ng bahay.

“Oo, dun na tayo.” Saad ko naman sa kaniya. Itinuon ko naman na sa labas ang paningin ko. Ganun na ba talaga siya makipag-usap sa iba kapag dalawa na lang silang naiiwan? Dahil kung hindi niya ako nakikilala bakit ganun siya makipag-usap sa akin kagabi? Parang normal lang.

Nakarating naman na kami ng kompanya. Naglalakad na ako sa lobby ng makasalubong ko si Darre