Kabanata 7.1

“Napakawalang puso niya talaga.” Saad niya habang naglalakad papasok ng bahay nila, napaupo na lamang siya sa sofa at hawak hawak ang ulo niya dahil nahihilo talaga siya, pakiramdam niya umiikot ang paligid niya. Tila ba pinipiga ito sa sobrang sakit, pumasok naman na siya sa kusina nila at naghain ng makakain niya. Gusto niya na talagang matulog.

“Kaunti nanaman lang po kakainin niyo ma’am?” tanong ng katulong nilang si Annie.

“Gusto ko na kasing matulog kaya kaunti lang kakainin ko, babawi na lang ako bukas.” Nakangiti niyang saad, dahan dahan siyang umakyat ng hagdan hanggang sa makapasok siya ng kwarto. Ibinagsak na lamang niya ang sarili sa kama dahil hindi niya na talaga kaya, hindi na rin siya nakapagbihis at hinila na ang kumot niya dahil nilalamig na siya.

Pumasok naman ng bahay nila si Darren saka niya inilibot ang paningin niya dahil alam niyang nakauwi na si Trina, nasa labas na kasi ang kotse nito.

“Manang si Trina nakauwi na ba?” tanong