Double date?

Hindi ko alam kung anong itsura ko ngayon habang nakatingin sa kaniya, pilit kong tinitignan kung may bahid ba ng biro ang sinabi niya. Pero ang mukha at mata ni Raziel ay seryoso na parang handa talaga siyang magpagamit.

“Don’t joke around, Raziel.” Sagot ko at umiling, “hindi ganoon kadali iyon.” Medyo tumaas ang tono ng boses ko, pero parang wala lang iyon sa kaniya.

“Anong hindi madali doon, Lorain?” May kung ano sa tono ng boses niya na hindi ko maipaliwanag, parang… Isang laro lang ang pinaguusapan namin para sa kaniya.

“Gusto mo na gamitin kita para hindi na niya ako magulo, para saan?” Kunot noo ko na tanong, “Wala kang mapapala, Raziel.”

Ayaw ko na pumasok sa isang bagay na alam ko na mahirap labasan, oo at ilang beses na akong nakipag-date sa iba’t-ibang lalaki sa abroad pero hindi ibig sabihin ay kaya ko na gumamit ng tao for my own convenience.

“To be honest, I also need you.” Bigla niyang sabi habang tinitignan pa rin ako ng seryoso, “you see, may family gathering kami sa