Chapter 6

Kapansin-pansin ang pananahimik at pagiging matamlay ni Cindy hapag kumakain sila ni Adam ng hapunan. Iniisip kasi nito kung paano magagawang mag-invest si Adam nang hindi siya lalabas na masama sa paningin nito.

Gustong-gusto ni Cindy na makawala na siya sa utang-na-loob niya sa pamilya ng tito niya. Pakiramdam niya ay parang kadena na nakagapos sa kanyang leeg ang kanyang utang-na-loob. At ang tanging paraan para makawala sa kadenang iyon ay si Adam.

"Don't you like the food on the table? Napapansin kong hindi ka na matakaw kumain at palagi kang walang sigla," usisa ni Adam kay Cindy nang mapansin nito na halos hindi magalaw ng kanyang asawa ang pagkain nito at tinititigan lamang.

Batid ni Adam kung ano ang iniisip ni Cindy. Ilang araw nang ganoon ito. At parang hindi siya sanay na makitang tahimik ito at hindi nakangiti kahit na sinusungitan niya.

Pagdating nito sa bahay matapos kausapin ang tito at tita nito ay naghintay siya na magsalita ito sa kanya tungkol sa investment. Ngunit hanggang ngayon ay hindi pa rin ito nagbabanggit kahit isang salita tungkol sa bagay na gumugulo sa isip nito. Hindi niya alam kung wala ba itong balak na makiusap sa kanya na mag-invest sa kompanya ng tito nito? Ayaw ba nitong maging malaya sa utang-na-loob nito?

Pina-imbestigahan niya kay Crispin ang background ni Cindy at kung paano ang buhay nito habang nakatira sa bahay ng tito nito. Kung totoo ang rumors tungkol sa kanya ay hindi siya magda-dalawang isip na makipag-divorce kahit wala pang anim na buwan gaya ng una nilang usapan. Ngunit matapos niyang malaman ang naging buhay nito sa piling ng pamilya ng tito nito ay aaminin niya na medyo nag-iba ang tingin niya rito.

Nalaman niyang ang mga naririnig na tsismis tungkol kay Cindy ay gawa-gawa lamang ng dalawang pinsan nito at tiyahin. Hindi rin ito buhay-prinsesa sa bahay ng tiyuhin kagaya ng pagkakaalam ng lahat dahil tumutulong ito sa mga gawaing-bahay kahit na may mga katulong naman sila. Nalaman din niya na lahat ng gamit nito ay puro pinaglumaan ng dalawang pinsan nito. She endured the bullying of her cousins and aunt because she was grateful to her uncle for raising her.

"I'm sorry, Adam. Medyo masama lang ang pakiramdam ko nitong nakalipas na araw kaya madalas ay wala akong ganang gumain," pagsisinungaling ni Cindy. Bigla siyang napatitig sa mukha nito nang ma-realized ang sinabi nito. Ino-obserbahan ba siya ni Adam kaya napansin nito ang kakaibang kilos niya? Nagkakaroon na ba ito ng interes sa kanya?

Mariing ipinilig ni Cindy ang kanyang ulo. Hindi siya dapat mag-isip ng ganoon. Paano naman magkakagusto sa kanya si Adam sa loob lamang ng ilang araw? Madalas nga siyang hindi nito kinakausap kapag nagkikita sila sa bahay.

"Pagkatapos mong kumain ay pumasok ka sa silid ko," seryoso ang mukha na sabi ni Adam sa kanya.

Napaisip siya kung ano ang binabalak gawin ni Adam at nais nitong pumasok siya sa silid nito. Gusto ba nitong i-consummate nila ang kanilang marriage?

Biglang itinakip niya sa kanyang dibdib ang dalawang braso. Hindi naman siguro siya pipilitin ni Adam na makipag-sex sa kanya kung ayaw niya.

"A-Anong gagawin ko sa loob ng silid mo?" napapalunok na tanong ni Cindy kay Adam.

Biglang naningkit ang mga mata ni Adam na tila ba nabasa nito ang iniisip ni Cindy. "Just come to my room later. Don't worry because I'm not interested with you like-a-child body," nakasimangot na sagot ni Adam bago pinagulong ang wheelchair nito patungo sa silid nito.

Wala sa loob na bumaba ang tingin ni Cindy sa kanyang dibdib. Parang bata raw ang katawan niya? Bulag ba si Adam at hindi nito nakikita na nasa tamang proportion ang katawan niya? Para sa kanya ay tama lamang ang laki ng dibdib niya. Ayaw niya iyong sobrang laki ng dibdib na halos pumantay na sa kanyang baba. Pero baka mga ganoong klaseng babae ang type ni Adam.

Naglaho ang kaba at pag-aalala sa dibdib ni Cindy sa nalamang hindi siya ang tipo ng babae ang gusto ni Adam. Mas mabuti na hindi sila magkagustuhan para walang maging problema kapag kailangan na nilang mag-divorce.

Kahit wala siyang ganang kumain ay pinilit niyang maubos ang pagkain sa pinggan niya. At pagkatapos niyang kumain ay agad na siyang nagtungo sa silid ni Adam.

"Ano ito?" nakakunot ang noo na tanong niya kay Adam nang bigyan siya nito ng mahabang papel pagkapasok niya sa silid niya.

"Look at it." Inginuso nito ang hawak niyang papel.

Nanlaki ang mga mata niya nang makitang tseke pala ang papel na iniabot sa kanya ni Adam. At fifty million pesos ang nakasulat na halaga rito.

"A-Ano ito?" ulit niyang tanong. Hindi niya kasi maintindihan kung bakit siya binigyan nito ng ganoon kahalagang pera. Makikipag-divorce na ba ito sa kanya at ang fifty million pesos na iyon ay ang kanyang divorce settlement?

"Don't you know what it is? Tseke iyan. Ngayon ka lang ba nakakita ng tseke?" yamot ang boses na wika ni Adam.

Cindy rolled her eyes. "Alam ko na tseke iyan, Mister Aldana. Ang ibig kong sabihin ay bakit mo ako binibigyan ng ganito kalaking pera? Makikipag-divorce ka na ba sa akin?"

"Of course not," agad na sagot nito. "Just consider it as a down payment for the one hundred million I promised to give after we divorce," paliwanag nito.

Saglit na hindi nagsalita si Cindy. Hindi naman siguro iispin ni Adam na mukha siyang pera kapag tinanggap niya ang perang iyon. Advance payment iyon sa kanya ni Adam para sa role niya bilang fake wife nito. At isa pa, puwede niyang ibigay ang perang iyon sa kanyang tiyuhin bilang kabayaran ng lahat ng utang-na-loob niya sa pamilya nito gaya ng sinabi nito. Magiging malaya na siya sa utang-na-loob niya sa kanya.

"Okay. Tatanggapin ko itong pera bilang advance payment mo sa akin," sabi niya nang sa wakas ay nakapagdesisyon na siya. Ngayon pa lang ay nai-imagine na niya na makakapag-aral siya sa school na gusto niya at sa kurso na gusto rin niya nang hindi isinasaalang-alang ang iisipin ng kanyang tiyuhin. "Thank you for this fifty million, Mr. Aldana. Huwag kang mag-alala dahil magiging mabuting fake wife ako sa'yo hanggang maghiwalay tayo," nakangiting dugtong niya bago nagmamadaling lumabas sa silid nito.

Hindi naman napigilan ni Adam ang mapasimangot habang tinatanaw ang likuran ng palabas na dalaga. Nagtataka siya sa kanyang sarili kung bakit tila nakaramdam siya ng inis nang makitang parang balewala lamang kay Cindy ang fake marriage nila. At mukhang masaya ito at hindi na makapaghintay na dumating ang araw na magdi-divorce sila.