CHAPTER 19

Sa bilis nang pagpapatakbo niya'y kaagad kaming nakarating sa paroroonan. 

Napakunot ako ng noo nang makita ang mga dati kong katrabaho rito sa hasyendang sinasabi niya. Dito ako dating nagtatrabaho. Dito din ‘yung lugar na tinitirahan namin.

Teka nga, bakit kami nagpunta rito? Para saan? Para kanino?

Awtomatikong bumukas ang bibig ko sa mga naisip na tanong. “Anong ginagawa natin dito, Zeke?”

Tama ba ang naiisip ko?

Napako na naman ang titig ko sa kaniya.

“This is yours now, napag-desisyunan kong ito na lang ang bilhin dahil sigurado naman akong mabilis paki-usapan ang mga tao rito. Isa pa, kilala ka na rin dito.” Nanlaki ang mga mata ko sa sinabi niya.

Tama nga ang naiisip ko!

Anong sasabihin ko sa kanila kapag tinanong nila kung paano ko nabili ang ekta-ektaryang lupa gayong pare-parehas lang naman kaming hasyendero noon?

Nanalo sa lotto? Nagtrabaho sa isang malaking kompanya? 

Napalunok ako