Chapter 106 Revenge

Clara's POV

Nanginginig lamang ang mga paa ko. Mabilis ang aking pag-apak pababa ng hagdan.

Kailangan kong magmadali. Walang sino man ang pwedeng makakita sa akin na nakapasok ako sa opisina ni Lucas.

Oo, nandito ako ngayon sa kompanya. Kailangan kong pumunta rito para gawin ang mga bagay ito. Kailangan kong gawin ito para hindi ako maunahan ni Lucas.

Alam kong sa ngayon ay kumikilos na rin si Lucas. Alam kong galit ang nananalaytay sa kaniyang mga ugat. Wala nang panahon para mag-usap pa kami.

Gusto ko siyang palayain kahit masakit. Nakipaghiwalay ako sa kaniya. Umuwi ako sa mansion. Ginawa ko iyon para malaman ko kung may pagmamahal pa siya sa akin.

Pero wala. Hindi na tumitibok ang puso niya para sa akin. Wala na siyang nararamdaman na pagmamahal. Iyon ang hinahanap ko bilang asawa.

Dinurog niya ang puso ko. Hindi ko aakalain na magagawa iyon sa akin ni Lucas. Ang lupit niya para saktan ang tulad ko. Ang manhid-manhid niya.

Minahal kita nang buo Lucas. Ibinigay ko sayo ang lahat. H