Chapter 15.2

“K-kumusta si Zayne Bea? Kamusta ang anak ko?”

Natigilan din sa pagkain ang mag-asawa dahil sa tanong ni Claire. Nagkatinginan muna sila at tinanguan naman ni Dylan ang asawa kaya napangiti ito at inilabas ang cellphone.

“I have a lot of pictures Claire! Simula nung umalis ka hanggang sa ngayon! Hindi ako nagkulang ang pag video o pag picture ko sa kaniya. Lahat ng important event sa buhay ni Zayne ay meron ako!”

Napangiti si Claire dahil sa sinasabi ng kaibigan habang kinakalikot ang cellphone nito. Hindi niya maiwasan na malungkot at mainggit sa kaibigan dahil nasubaybayan nito ang paglaki ng anak niya samantalang siya ay wala sa tabi nito sa loob ng limang taon.

“Ehem, Love,”

Natigilan si Bea dahil sa pagtawag ng asawa kaya napatingin siya dito at itinuro si Claire. Natauhan naman si Bea dahil doon pagkatapos ay ibinaba ang cellphone niya.

“I-im sorry Claire, gusto ko lang ipakita sayo. Wag ka sanang maiinggit saakin,”

Umiling naman si Claire dahil doon.

“Ano ka ba, o