Chapter 21.5

Pumunta sila sa kwarto ni Claire. Ipinasoot ni Claire ang isang damit na ternong panlalaki na binili niya matagal na panahon na ang nakakalipas, kasabay iyon ng pagbili niya nang damit ni Zoey.

“Bagay na bagay sayo Zayne,” naiiyak na sabi ni Claire dito na ikinangiti ni Zayne.

“Thank you Tita-Mommy! Ang galing niyo pong pumili ang ganda!”

Hindi na maalis ang ngiti sa labi ni Claire nang mga sandali na iyon. Maghapon silang nag bonding ni Zayne na ikinatuwa ng puso ni Claire dahil iyon ang unang pagkakataon na nakasama niya si Zayne ng matagal at silang dalawa pa.

Hindi niya inaasahan na hahantong sa ganoong kasaya ang paghandle niya ng event na iyon kaya sobrang saya niya. Hanggang sa mag gabi na at naglakad lakad sila sa ibaba. Marami ring tao doon na mga guess at employees na naggagala at mayroong umiikot na waiter na may dalang mga wine.

Kumuha doon ng isa si Claire habang naglalakad sila.

“Tita-Mommy baka malasing ka!”

Pagsaway sa kaniya ni Zayne pero umiling siya dito.